LEXO PA REKLAMA!

SHKARKO APP

10 akuzat penale nga Bollino

11 Janar 2024, 14:00, Aktualitet CNA

10 akuzat penale nga Bollino

10 akuza penale janë ngritur në SPAK për përfitimet e Carlo Bollino-s në lidhje me pronën shtetërore tek "ish-Reparti i Orëve", në Tiranë.

Bollino, një nga botuesit shërbëtorë të kryeministrit Edi Rama, përfitoi pronën, të cilën ish-pronarët pretendojnë se e kishin dhuruar për të ndërtuar një gjimnaz.

Për të favorizuar Bollino-n, qeveria nxori 4 VKM, të cilat fillojnë që nga dhënia me qira e vazhdojnë më tej me prishjen e objekteve.

Në këtë pronë, botuesi i Rilindjes ka ndërtuar sot televizionin e tij dhe për përfitimet që ka marrë është kallëzuar në SPAK nga Partia Demokratike.

Sipas kallëzimit, fillimisht Bollino është shpallur fitues i dhënies me qira të pronës 4021.5 m² nga Ministria e Financave.

Më pas, ministrja Anila Denaj i propozoi Këshillit të Ministrave që botuesi shërbëtor i Ramës të mos paguante 6.300 euro qira, por ta përfitonte atë me vetëm 1 euro dhe kështu ndodhi.

Me anë të një VKM-je, Carlo Bollino-s iu dha e drejta e qiramarrjes për katin 2 të godinës.

Me një tjetër VKM u vendos që godina të mos ekzistojë, pra të shembet.

E gjithë kjo u bë për interesin e vetëm të një pronari medieje që ditë e natë i bënte furça qeverisë.

Lëvizja e fundit e qeverisë ishte ndryshimi i objektit të kontratës së qirasë, ndërkohë që asnjë godinë e qiradhënësit shtet, tashmë nuk ekzistonte.

Për shkeljet njëra pas tjetrës, tashmë Bollino, së bashku me zyrtarë dhe ish-zyrtarë janë dërguar në SPAK.

Në padi janë përfshirë edhe kryeministri Edi Rama, ish-ministrja e Financave dhe Ekonomisë, Anila Denaj, Sekretari i Përgjithshëm i Këshillit të Ministrave, Ëngjëll Agaçi, ish-Sekretari i Përgjithshëm i Ministrisë së Financave dhe Ekonomisë, Arian Kraja dhe ish-Drejtoresha e Agjencisë së Zhvillimit të Territorit, Ledia Tota.

Në padi janë renditur 10 akuza penale, nga “shpërdorimi i detyrës” te “mashtrimi”, “deklaratat e rreme” “falsifikimi”, “përfitimi i paligjshëm i interesave” apo edhe “pastrimi i produkteve të veprës penale”.

Konkretisht 10 akuzat penale janë:

- “Shpërdorimi i detyrës”, parashikuar nga neni 248 i Kodit Penal;

- “Mashtrimet”, parashikuar nga neni 143 i Kodit Penal;

- “Përpilimi i deklaratave të rreme”, parashikuar nga neni 163 i Kodit Penal;

- “Dhënia e informacioneve të rreme”, parashikuar nga neni 168 i Kodit Penal;

- “Falsifikimi i dokumenteve”, parashikuar nga neni 186 i Kodit Penal;

- “Përfitimi i paligjshëm i interesave”, parashikuar nga neni 257 i Kodit Penal;

- “Shkelja e barazisë së pjesëmarrësve në tenderë apo ankande publike”, parashikuar nga nenit 258 i Kodit Penal;

- “Pastrimi i produkteve të veprës penale”, parashikuar nga neni 287 i Kodit Penal;

- “Përvetësimi i parave ose mallrave që rrjedhin nga vepra penale ose veprimtaria kriminale”, parashikuar nga neni 287/b i Kodit Penal;

- “Moskallëzimi i krimit”, parashikuar nga neni 300 i Kodit Penal./ CNA

10 akuzat penale nga Bollino

10 akuzat penale nga Bollino

10 akuzat penale nga Bollino

10 akuzat penale nga Bollino

Lajmet e fundit nga