web counter
LEXO PA REKLAMA!

SHKARKO APP

App Store
Google Play

Ndryshime në ligjin e turizmit/ Kumbaro: Lehtësohen procedurat

11 Janar 2024, 12:46, Aktualitet CNA
Ndryshime në ligjin e turizmit/ Kumbaro: Lehtësohen procedurat
Ministrja e Turizmit dhe Mjedisit, Mirela Kumbaro

Këshilli i Ministrave ka miratuar këtë të enjte disa ndryshime në ligjin për turizmin.

Lajmin e njoftoi ministrja e Turizmit dhe Mjedisit, Mirela Kumbaro, e cila tha se ligji i vitit 2015 nuk u përgjigjet realitetit dhe dinamikave të reja.

Ajo tha se ndryshimet sjellin lehtësime në procedurat e praktikave burokratike. Sipas saj, ato garantojnë konkurrencë të ndershme dhe forcojnë masat administrative.

“Sot miratuam në mbledhjen e parë të qeverisë për këtë vit, ndryshime për një ligj të rëndësishëm. Turizmi ka qenë e do jetë kryefjalë, ligji i 2015 nuk u përgjigjej realitetit dhe dinamikave të reja. Edhe vizioni i qeverisë është shumë më i avancuar se ligji i 2015. Kjo bënte të nevojshme nevojën për ndryshime ligjore, qoftë për realitetet e reja në tregun e turizmit, kërkesat e konsumatorit, për të dhënë garanci më shumë për shërbime më cilësore. Për kërkesat për të pasqyruar disa realitete të strukturave akomoduese që nuk ishin në ligjin ekzistues, është një mekanizëm për formalizmin e tregut të turizmit. E zgjidhim me ligjin që sapo miratuam sot. Garantojmë konkurrencë të ndershme, raport të ndershëm me tatimet në shtet. 

Gjithashtu institucionet e turizmit që janë brenda ministrisë, ishte e nevojshme që praktika reale të pasqyrohej në ligjin e ri. Ndryshime me lehtësimin e procedurave të praktikave burokratike, qoftë në raport me ministritë apo agjencitë. Lehtësimi i proceduarve shkon me kontroll për të garantuar konkurrencë të ndershme, për të forcuar masat administrative aty ku këto rregulla shkelen. Institucionet e turizmit, sektor që ka kaluar në disa organizime të ndryshme, ishte e nevojshme që praktika reale e këtyre institucioneve të pasqyrohej në ligjin e ri”, deklaroi Kumbaro në një konferencë për mediat./ CNA





Lajmet e fundit nga