SKEMA/ Brenda 48 ditëve Rama i dha Bollino-s godinën për televizionin

6 Dhjetor 2023, 14:01, Politikë CNA

SKEMA/ Brenda 48 ditëve Rama i dha Bollino-s godinën për

Carlo Bollino dhe Edi Rama

Ish-kryeministri Sali Berisha denoncoi gjatë konferencës me gazetarët se Rama ka bërë të gjitha procedurat brenda 48 ditëve për ndërtimin e godinës së televizionit të Carlo Bollino-s.

Sipas Berishës procedurat kanë nisur pas tërmetit të 26 nëntorit të 2019 dhe se godina u shemb me pretekstin se ishte dëmtuar.

"Pra u kryen të gjitha procedurat e vlerësimit të dëmit, të shpalljes së godinës nga Instituti i Ndërtimit si DS5, bërja e projektit nga arkitektët pasi ndryshon plani i biznesit, vlerësimi nga Ministria e Financave si pronar i godinave dhe në fund miratimi i lejeve. Të gjitha këto në harkun kohor 48-ditor, gjë e cila nuk gjendet kurrë në analet e shtetit. Kohë rekord ndërkohë që shteti ishte në emergjencë, pasi edhe sot ka fatkeqë që janë në çadra", tha Berisha.

Fjalimi i plotë:

Berisha: Rama dhe Bollino mashtruan edhe me tërmetin, shteti u vu në dispozicionin e pronës që do grabisnin ata.

Rama-Bollino në dokumentarin e mashtrimit të tyre publik, thonë se Berisha e ka etiketuar si skandal të madh faktin se pas firmës së kontratës për të marrë me qira një godinë të vjetër për të cilën ishte përcaktuar si detyrim, rikonstruksioni total, godina u prish dhe u rindërtua.
Ajo që Berisha nuk tregon, thonë në dokumentarin e tyre Rama-Bolino, është se në datën 26 nëntor 2019, tërmeti e dëmtoi në mënyrë fatale strukturën e godinës dhe godina u rrëzua. Instituti i Ndërtimit urdhëroi prishjen dhe për shkak se ishte godinë shteti, për ta shembur duhej një VKM se kështu e përcakton ligji. Prishja u krye totalisht me shpenzimet e "Report TV". Ja pse fjala rikonstruksion total edhe në kontratë u ndryshua me fjalën rindërtim jo më pak se sipërfaqja e godinës ekzistuese. Dhe në fund të kontratës thuhet t’ia kthejë shtetit ose t’ia kthejë xhepit, thotë mashtrimi i Ramës dhe Bollino-s në dokumentarin e tyre. Dokumentet thonë diçka tjetër.

Në këtë sqarim të gjatë, Rama dhe Bollino sërish gënjejnë. E para, leja e ndërtimit është miratuar më 13.1.2020, vetëm 48 ditë pas tërmetit të datës 26.11.2019. Pra, të gjitha strukturat ishin në dispozicion të këtij biznesi, që nuk kishte lënë njeri pa strehë. Të tjerët rrinin në çadra dhe janë edhe sot, kurse shteti i tërë përqendrohej te prona që do grabisnin Rama dhe Bollino.
Pra u kryen të gjitha procedurat e vlerësimit të dëmit, të shpalljes së godinës nga Instituti i Ndërtimit si DS5, bërja e projektit nga arkitektët pasi ndryshon plani i biznesit, vlerësimi nga Ministria e Financave si pronar i godinave dhe në fund miratimi i lejeve. Të gjitha këto në harkun kohor 48-ditor, gjë e cila nuk gjendet kurrë në analet e shtetit. Kohë rekord ndërkohë që shteti ishte në emergjencë, pasi edhe sot ka fatkeqë që janë në çadra.
Vetë Rama dhe Bolino thonë se ose do ia kthejnë shtetit, ose xhepit. Pra e pranojnë se amendamenti i bërë nga Edi Rama kishte për qëllim grabitjen e pronës.
Nuk mund t’ia kthejnë xhepit, sepse ligji i kthimit dhe kompensimit të pronave, ligje bazë në fushën e pronësisë, e kanë laksative, tjetërsimi i pronës e kalon atë menjëherë te të shpronësuarit. Pra, u kthehet familjeve që iu grabit toka që kishin lënë për shpirt, për sevap për fëmijët e lagjes.
Në dokumentarin e tyre të mashtrimit publik, Rama dhe Bolino thotë se tërmeti i detyroi të bëheshin procedura ligjore me një VKM për prishjen e godinave, por e vërteta qëndron ndryshe pasi qeveria pas tërmetit bëri këto hapa:
A-Miratoi lejen e ndërtimit më 13.1.2020.
B-Miratoi VKM me numër 157, 19..2.2020, për dhënien e miratimit për një shtesë, po ç’punë kishte shtesa prej 870 metër tokë me tërmetin? Asnjë punë, kjo kishte të bënte me etjen e tyre për të pushtuar sa më shumë tokë.
Një shtesë në kontratën e qirasë me tarifën 1 euro, duke i dhënë katin e dytë të njërës prej godinave, e kuptoni apo jo, ky më sipër thotë godinat u rrafshuan nga tërmeti, tani i jep katin e dytë të një godine, këta janë mashtrues të rrezikshëm publikë.
C-Miratimi i VKM 368 për shembjen e tri objekteve të dhëna me qira.
Pra, pas tërmetit që i bëri gjëmën Ramës dhe Bollino-s, qeveria fillimisht u kujdes të miratonte lejen e ndërtimit për një godinë të re dhe për të dhënë një shtesë kontrate prej 872 metra. C
Kur godinat u prishën, kontrata është nul sepse kontrata jepte tri godinat për rindërtim dhe përdorim.
U shembën godinat nga tërmeti, iku kontrata se në tender ishin dhënë godinat dhe ishte përcaktuar qiraje 63 mijë euro në muaj që u katandis më pas në 1 euro./CNA