“Dhuratat” e Ramës për Bollino-n përmes 4 VKM-ve/ Malltezi: Të përgjigjet para ligjit

1 Dhjetor 2023, 13:24, Aktualitet CNA

“Dhuratat” e Ramës për Bollino-n përmes 4 VKM-ve/

Jamarbër Malltezi

Jamarbër Malltezi nuk ka kursyer kryeministrin Edi Rama dhe botuesin Carlo Bollino. Pas denoncimeve të ish-kryeministrit Sali Berisha, i cili me dokumente ka treguar se si Rama i ka “dhuruar” përmes 4 VKM-ve, Bollino-s pronat publike për të ndërtuar, Abi Malltezi ka shpjeguar shkeljet që janë bërë në kontrata.

Sipas Malltezit, Bollino duhej të paguante 6000 euro qira mujore (72,000 euro në vit ose 1.44 milionë euro në 20 vjet), por me ndihmën e Ramës, Bollino e merr pronën me 1 euro për 20 vjet.

Malltezi thotë se Rama duhet të përgjigjet para ligjit pasi pas dy muajsh pasi ka firmosur kontratë qiraje i ka dhënë Bollino-s leje ndërtimi për ndërtesë, ndërkohë që kontrata parashikonte vetëm rikonstruksion.

Dhëndri i ish-kryemninistrit Berisha, Jamarbër Malltezi, vijon më tej duke përmendur dhe shkeljen tjetër të rëndë të kontratës, ku qiramarrësi nuk mund të marrë kredi dhe të lërë në kolateral pronën publike.

Malltezi gjithashtu denoncon se në tokën që u sugjerua për të ndërtuar një gjimnaz, Rama ia ka dhuruar Bollino-s për të ndërtuar godinën e tij të re.

“Dje cdokush pa qarte sesi Edi Rama ktheu shtetin ne sherbim te pushtetit dhe mikut te tij Carlo Bolino. Dinim qe Edi Rama miratoi 3 VKM brenda 7 muajsh per t’i falur Bolinos se tij.

POR dje doli qe paskan qene 4 VKM plus Leje Ndertimi te firmosura nga Edi Rama ne vetem 9 muaj Shteti ne sherbim privat te Rames!

Bolino duhej te paguante 6,000 € qera mujore (72,000 € ne vit ose 1.44 miljon € ne 20 vjet), POR kur ndan biznesin me Edi Ramen e merr per 1 € per 20 vjet!

Edi Rama duhet te pergjigjet para ligjit pasi vec pas 2 muajsh pasi I firmosi kontrate qeraje, i dha Bolinos edhe LEJE NDERTIMI per ndertese nderkohe qe kontrata kish vec detyrim rikonstruksioni!

Dy muaj me pas i shton dhuraten Bolinos edhe me 870 m2 te tjera. 7 muaj pas dhenies se 3 ndertesave dhe 4894 m2 me qera simbolike, Edi Rama merr vendim per te shembur 3 ndertesat qe kish dhene vete me qera! Pse? Pervecse per te vjedhur token e pronareve?

POR Edi Rama ka firmos VKM qe bie ndesh me kontraten ne fuqi!!! Kontrata flet per rikonstruksion jo per shembje! Kush do mbaje pergjegjesi qe kontrata bie ndesh me VKM? Apo SPAK = SNUK?

2 muaj pas VKM se prishjes firmos prape amendim kontrate me VKM! Por prape flet per “Rikonstruksion Minimalist total” e jo per shkaterrim te objektit te qirase!

Dhunim tjeter ligjor ishte qe sipas pikes 5.18 te kontrates qeramarresi nuk mund ta leje kolateral pronen publike! POR Bolino e beri dhe BANKA e Linda Rames i dha kredi ndonese kontrata e ndalonte!

Prishen 3 ndertesa per t’i bere dhurate Bolinos! Ne dhunim te shume pikave te kontrates qe kane ne fuqi! Tani Bolino ka ndertuar nje ndertese te re. PO kjo ndertese e re kujt i takon? Se nuk eshte parashikuar ndertese e re ne kontrate!

Token e lene per “Vakëf” nga pronaret, Edi Rama e vodhi me Bolinon. Ketu ka tjetersim prone! Ajo tokë pjeserisht ka qene Begeja dhe pjeserisht e familjeve te tjera. POR kur po hartohej Plani Rregullues Urban dhe u sugjerua per Gjimnaz, atehere familjet pronare nuk vijuan me procedurat per kthimin fizik te prones. U la si “vakëf”.

A mund të presësh mbarësi nga ata që vjedhin Vakëf?”, shkruan Malltezi krahas dokumenteve të publikuara./ CNA