web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Gërdec/ Zbardhet dëshmia e ish-Sekretarit të Përgjithshëm të Ministrisë së Mbrojtjes

30 Nëntor 2023, 16:43, Aktualitet CNA

Tragjedia në Gërdec/ Zbardhet dëshmia e ish-Sekretarit të

Këtë të mërkurë në GJKKO janë paraqitur përfaqësues të ndryshëm për të dhënë dëshmitë e tyre lidhur me ngjarjen tragjike të ndodhur në Gërdec.

Ish-Sekretari i Përgjithshëm i Ministrisë së Mbrojtjes në deklaratën e tij ka thënë se e vetmja gjë që ka bërë ka qenë zbatimi i detyrave.

Ai tregoi lidhur me procedurën që ka ndjekur ai në atë kohë.

Më poshtë gjeni pjesë nga dëshmia në GJKKO: 

Ardian Mullai, ish-sekretari i përgjithshëm: Ndiqja zbatimin e detyrave, s’kam bërë ndonjë procedurë për Gërdecin kompania e demontimit na solli ofertën për procesin, kundrejt pagesës. Shtabi kërkonte licencim për këtë procedurë, bëri një memo  për ketë, me pas realizova takimin me kompaninë peretodologjine e procedurat, nga MM dhe SHTABI. Ishte takim njohës, jo konkludues, mu bë një kërkese qe t’i drejtohesha ndërmarrjeve ushtarake, në një kohë të shkurtër erdhi përgjigja, u ngrit grupi i punës për analizën e situatës, më pas doli urdhri i ministrit për grupin e punës.

Nga drejtoria përkatëse mu tha se s’kishte baze ligjore dhe kërkohej një VKM, Mejko solli një memo, ku thuhej se duheshin demontuar municionet e viteve ’50 të cilat nuk shiteshin për shkak të vitit të vjetër të prodhimit. Pas daljes se konkluzionit të grupit të punës, dolën çmimet për shitjen dhe demontimi nisi hartimi i një VKM. I kam dërguar shkresë drejtorive përkatëse për ofertat e ndërmarrjeve ushtarake, siç ishte ndërmarrja e huaj SAC. Ka pasur disa fakse të ardhura në shifra që ia kalova komisioneve përkatëse.

Prokurori:  A ka pasur licencë SAC?

Dëshmitari: Ishin paraqitur licenca, 4 mesa mbaj mend. MEICO ishte shoqëria që mbante kontaktet me kompaninë SAC përfshirë këtu edhe për licencimin. Gjihashtu është diskutuar dhe dhënë dëshmia dhe lidhur me faktin se pse ishte pikërisht Gërdeci që u zgjodh për të bërë demontimin e municioneve.

Dëshmitari: Në diskutimet me MEICO më duket kishte marrëveshje dypalëshe me SAC, ku mes të tjerash ishte përcaktuar si lokacion Gërdeci.

A kishte licencë reparti i Gërdecit?

Dëshmitari: Praktika e licencimit nuk varet nga sekretari. Në çdo praktikë qe unë kam kaluar edhe në te shkuarën, nuk ishte në përgjegjësinë e sekretarit apo ministrit përcaktimi nëse licenca e një reparti ishte e duhur apo jo. Ishte MEICO që e përcaktonte.

Kompania albademil, një degëzim i SAC, a kishte dokumentacionin e duhur apo jo?

Ish-sekretari i përgjithshëm i Ministrisë së Mbrojtjes: Marrëveshja përmendte vetëm SAC, nuk përmendej Alba Demil, nuk kam dijeni, sepse albademil nuk figuronte në asnjë shkresë. Nuk është bërë asnjë verifikim për shkak se nuk figuronte. Nuk e njoh as Mihal Delijorgjin (drejtuesin e kompanisë albademil).”

Fatmir Mediu pyeti:  Kush e përcaktonte buxhetin, ministri apo shtabi?

Ish-Sekretari i Përgjithshëm i Ministrisë së Mbrojtjes: Ministria e Mbrojtjes kishte një veçori në ndryshim nga ministritë e tjera, buxhetin e të cilave përcaktohej nga Këshilli i Ministrave. Ndërsa në Ministrinë e Mbrojtjes, buxheti përcaktohej nga Shtabi i Përgjithshëm të Forcave të Armatosura./ CNA





Lajmet e fundit nga