E fundit!

07:09 Ekonomi

Monedhat e huaja nuk dalin nga gremina/ Kursi i këmbimit, 21 korrik 2026

Këtë të martë një dollar amerikan blihet me 81.2 lekë dhe ...

Firmosja e 4 VKM-ve për Bollino-n/ Zbulohen shkeljet e rënda në kontrata

30 Nëntor 2023, 12:35, Aktualitet CNA

Firmosja e 4 VKM-ve për Bollino-n/ Zbulohen shkeljet e rënda në

Carlo Bollino dhe Edi Rama

Ish-kryeministri Sali Berisha, në një deklaratë për mediat, ka hedhur akuza ndaj botuesit Carlo Bollino dhe kryeministrit Edi Rama.

Sipas Berishës, Rama ka firmosur katër vendime të personalizuara për grabitjen e tokës pranë ish-kompleksit "Partizani", së bashku me Bollino-n.

Lideri i demokratëve ka renditur shkeljet që janë bërë në kontratën mes Ramës dhe botuesit, pasi në kontratë thuhet për rikonstruksion, ndërsa dy muaj pas vendimit të parë, Rama i ka dhënë leje ndërtimi Bollino-s, një atribut që i takon Bashkisë së Tiranës, sipas ligjit.

Berisha shpjegon se pas lejes së ndërtimit Rama ka nxjerrë vendimin e tretë, në të cilin në kundërshtim me kontratën që kishte në konstruksion, urdhëron prishjen e objekteve duke shkelur rëndë nenet e kontratës dhe këtë e bën pasi kishte dhënë leje ndërtimi.

Një tjetër shkelje, sipas Berishës, është se Bollino ka marrë kredi, por kontrata e ndalon që të lërë në kolateral pronën publike.

Berisha thotë se duke pasur parasysh shkeljet, kemi të bëjmë me një vjedhje të hapur publike.

“Me VKM-në e fundit që u paraqit sot, Edi Rama ndryshon VKM-në e datës 6.5.2020, ndryshon përsëri kontratën. Dhe çfarë shkruan në ndryshim?

Shkruan se ndryshimi është për rikonstruktim total minimal. Nuk ka njeri që mund ta zbërthejë këtë fjalë, në një kohë kur me vendimin e parë, Rama miraton kontratën në të cilën bëhej fjalë për rikonstruksionin e tri objekteve. Dhe kontrata me Bollino-n ishte rikonstruksioni i tyre.

Ndërkohë dy muaj pas vendimit të parë, Rama jep lejen e ndërtimit. Pra, kontrata është rikonstruksion, kurse kjo është leje ndërtimi, të cilën në të gjitha ligjet e vendit e jep bashkia, por për pronën e tij personale me Bollino-n, e firmos vetë Edi Rama. Dhe habitshëm e firmos edhe ministrja e familjes, Denaj, zonja Anila Denaj.

Se çfarë do ministrja edhe te leja e ndërtimit, Rama e di. Se kjo duhet të ishte plotësisht atribut ligjor i Bashkisë së Tiranës.

Por, pas lejes së ndërtimit, Rama nxjerr vendimin e tretë, në të cilin në kundërshtim me kontratën, që ishte për rikonstruksion, urdhëron prishjen e objekteve, duke shkelur rëndë nenet e kontratës. Dhe këtë e bën pasi kishte dhënë lejen e ndërtimit.

Por ajo që është më e veçantë, se dy muaj pasi urdhëron prishjen e objekteve me VKM-në e tretë, me VKM-në e katërt, Rama urdhëron konstruksionin total minimal.

Përveç kësaj, ka shkelje të rënda të kontratës. Është shkelur neni 5, pika 13. Mos harroni, kontrata është ligj.

Shkelja e kontratës është shkelje e ligjit.

Kjo pikë thotë se qiramarrësi në momentin e përfundimit të kësaj kontrate, duhet të dorëzojë pronën të padëmtuar. Qiramarrësi me Edi Ramën e kanë rrafshuar pronën, e kanë zhdukur pronën që morën.

Përveç kësaj, ka një shkelje tjetër shumë domethënëse të kontratës. Bollino merr kredi, kontrata e ndalon që qiramarrësi në asnjë rast, nuk mund të rëndojë me barrë pronën objekt të kësaj kontrate. Pra, nuk mund të lërë kolateral, pronën publike.

Të gjitha këto faktojnë se kemi të bëjmë me një vjedhje të hapur publike”, tha Berisha./ CNA