LEXO PA REKLAMA!

SHKARKO APP

Denoncimi: 4 VKM-të që Rama firmosi për t'i falur tokën Bollino-s

30 Nëntor 2023, 12:18, Aktualitet CNA
Denoncimi: 4 VKM-të që Rama firmosi për t'i falur tokën
Edi Rama dhe Carlo Bollino

Edi Rama ka firmosur katër VKM që sipas tij janë dokumente antiligjore për t'i falur Carlo Bollino-s një pronë publike të destinuar për ndërtimin e një gjimnazi.

Kështu ka deklaruar sot në një konferencë me gazetarët, ish-kryeministri Sali Berisha.

“Së pari, duhet të kërkoj ndjesë sepse për grabitjen e rreth 5 mijë metra tokë nga Rama dhe Bollino, nga tetori i vitit 2019 gjer në korrik të vitit 2020, Edi Rama ka firmosur, jo 3 vendime, siç kishim paraqitur dy herë më parë në këtë sallë, por ka firmosur 4 vendime të personalizuara për grabitjen e tokës së bashku me Bollino-n.
Gazetarët kanë gjetur edhe një vendim tjetër, që është vendimi numër 589, datë 22.7.2020, me të cilin Edi Rama ndërhyn përsëri në kontratën e firmosur para vendimit të parë me Carlo Bollino-n. Me këto vendime, Edi Rama hyn në librin 'Guinnes' për përdorimin e firmës së vet në 4 vendime për vjedhje të hapur publike së bashku me Carlo Bolino-n.
Përveç katër vendimeve të firmosura nga vetë Edi Rama dhe të personalizuara për Bollino-n, janë gjetur edhe 3 firma të tjera qeveritare, njëra e Ramës në lejen e ndërtimit dhe dy të zonjës Anila Denaj në kontratën dhe lejen e ndërtimit, të gjitha këto për përvetësimin e 5 mijë metra katrorë tokë nga Bollino, sigurisht për Ramën.
Gazetarët investigativë provuan qartë me dokumente në emisionin 'Plug', se si Edi Rama e ktheu shtetin në shërbim të pushtetit të mikut të vet, Bollino.
Unë, siç thashë më sipër, kisha paraqitur para jush të vërtetën se Edi Rama kurrë në jetën e tij, kishte firmosur fap e fap njëri pas tjetrit nga tetori i vitit 2019 deri në korrik të vitit 2020, katër vendime të personalizuara për t’i falur Bollino-s së tij, natyrisht për të grabitur për vete tokën 4900 metra, që kushtonte së paku 1.2 milionë euro.
Toka që u grabit me 4 vendime të personalizuara qeverie për kompaninë e Bollino-s, të firmosur fap e fap nga Edi Rama, në planin rregullues të qytetit të Tiranës, ishte e planifikuar për gjimnaz në një komunitet prej 60 mijë banorësh se nuk kishte një gjimnaz të tillë.
Me VKM-në e fundit që u paraqit sot, Edi Rama ndryshon VKM-në e datës 6.5.2020, ndryshon përsëri kontratë”,
– tha Berisha.

Ndërtimi i godinës së televizionit të Carlo Bollio-s, sipas Berishës, është vjedhje e truallit të lënë nga pronarët për ndërtimin e gjimnazit./CNA

 

Lajmet e fundit nga