web counter
LEXO PA REKLAMA!

SHKARKO APP

App Store
Google Play

Carlo Bollino urdhëron mediat: Më transmetoni 15 minuta edhe mua

28 Nëntor 2023, 18:33, Aktualitet CNA
Carlo Bollino urdhëron mediat: Më transmetoni 15 minuta edhe mua
Carlo Bollino

Të premten e 24 nëntorit, në një konferencë për mediat, ish-kryeministri Sali Berisha publikoi disa dokumente dhe hodhi akuza ndaj Carlo Bollinos, për të cilin tha se ka grabitur tokën e falur për ndërtimin e një gjimnazi në vitin 2013.

Kur ka kaluar 4 ditë nga kjo deklaratë e Berishës, Carlo Bollino ka dërguar një e-mail në adresën elektronike të CNA-së dhe të disa mediave të tjera.

Ai deklaron se Berisha i ka dëmtuar imazhin dhe mediat e kanë detyrim ligjor të barazojnë kohëzgjatjen prej 15 minutash të deklaratës së këtij të fundit.

Pra, Bollino urdhëron mediat ta transmetojnë 15 minuta, por Carlo bën konferenca siç bën kur shkon në gjykatë.

Të dalë live, të na nisë edhe linkun apo ta transmetojë në rrjetet sociale dhe CNA TV do e japë jo 15, por 30 minuta se Carlo të zbukuron dhe ekranin.

Na jep urdhër sepse mendon që i është bërë dëm imazhi, por atë e vendos gjykata, jo Carlo. Opozita këtë punë ka, të denoncojë. Nuk ka pse të mërzitet Carlo.

Sa shqiptarë duhet të mërziteshin apo shqetësoheshin kur ai na thotë sa të lumtur jetojmë me inceneratorë që nuk punojnë e që nuk ekzistojnë, apo sa të sigurt jemi kur policët dalin trafikantë droge, apo kur thotë se Rilindja ka sjellë begatinë, vaj medet.

Për akuzat e Berishës në fakt ai duhet t’i drejtohet gjykatës, jo mediave.

Ndërkohë, ka diçka të dyshimtë, pse Carlo nuk shkon në gjykatë? Këtë presim ta mësojmë në vijim.

Bollino flet për dëm imazhi, po të ishte për këto efekte mbi Carlon me të vertetat apo të pavërtetat e thëna ai duhet të kishte falimentuar me kohë.

I japim kurajo Carlo Bollinos dhe në këtë shkrim po botojmë edhe email-in e tij që të qëndrojë jo 15 minuta, por gjjthmonë që ai të jetë i lumtur.

Zoti Bolino i ka shkaktuar "dëm ekonomik" taksapaguesve shqiptarë me reklamat e inceneratorëve apo fondet që merr me nënkontraktime, apo dhe koncesionet që i jep qeveria për shërbimet si zëdhënës i Rilindjes.

Një pyetje Carlos, e transmetove vetë Saliun apo do japesh deklaratën tënde e pastaj do e balancosh? / CNA

Carlo Bollino urdhëron mediat: Më transmetoni 15 minuta edhe mua





Lajmet e fundit nga