E fundit!

13:37 Aktualitet

Rekursi në Gjykatën e Lartë/ SPAK triumfon ndaj Veliajt

Sot në Gjykatën e Lartë është zhvilluar seanca për rekursi...

Tender 3 milionë euro/ Lefter Alla kërkon lirinë në Gjykatën e Lartë

29 Nëntor 2023, 12:02, Aktualitet CNA

Lefter Alla

Ish-kryebashkiaku i Bulqizës, Lefter Alla, ka kërkuar lirinë në Gjykatën e Lartë.

Raportohet se Alla i ka bërë rekurs vendimit të Apelit të GJKKO që nuk zëvendësoi masën "arrest në burg" ndaj tij në një masë më të butë.

Aktualisht dosja për Lefter Allën ka kaluar për gjykim në GJKKO. Prokuroria e Posaçme ka ngritur ndaj tij akuzat për “Shkelja e barazisë së pjesëmarrësve në tenderë apo ankande publike” dhe “Shpërdorimi i detyrës”.

Lefter Alla u arrestua më 15 mars 2023 bashkë me 12 persona të tjerë, 7 prej tyre zyrtarë të bashkisë për shkelje të barazisë në tenderë dhe shpërdorim detyre mbi dyshimet e abuzimit në një tender me vlerë 3 milionë euro.

Ndaj ish-kryebashkiakut ka akuza se ka bashkëpunuar me ish-zyrtarët për të favorizuar dy kompani gjatë procedurës së prokurimit publik me qëllim që më pas punimet për ujësjellësin t’i kryejë kompania ‘OE 2AF Albania shpk’, e cila është në administrimin e të afërmit të Allës, Aqif Konesha. Kompanitë që dolën fituese të tenderit kishin ‘BOE Egland shpk’ dhe ‘BE-IS shpk’.

Njoftimi i SPAK-ut mbi hetimet për Allën:

Nga hetimet e SPAK rezultoi se për shtetasin nën hetim Lefter Alla dokumentohen disa fakte penale si shkeljet gjatë procedurës së prokurimin publik me procedurë të hapur në datë 30.04.2021, operatorëve ekonomikë “Egland Sh.p.k.” dhe “BE-IS” Sh.p.k., me objekt “Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ, Lagjja e vjetër, qyteti Bulqizë, Bashkia Bulqizë”, me vlerë të tenderit në shumën 322.439.000 lekë të reja, me afat kohor 10-mujor.

Ky shtetas nën hetim në bashkëpunim me nënkryetaren e bashkisë, dhe punonjësit e tjerë, si specialiste e prokurorimeve, anëtarët e KVO, kanë bërë të mundur që këtë tender ta fitonte me dokumentacion BOE Egland sh.p.k. dhe BE-IS sh.p.k., duke krijuar avantazhe për këtë subjekt gjatë procedurës së prokurimit. Në një kohë që nga hetimi ka dyshime të arsyeshme të bazuara, se punimet janë kryer nga OE 2AF Albania sh.p.k., lidhje shoqërore e kryetarit të Bashkisë.

Kjo procedurë prokurimi dyshohet që është inicuar dhe zhvilluar në kundërshtim me LPP dhe aktet nënligjore dhe nga AK Bashkia Bulqizë, konkretisht nga të hetuarit me veprime aktive që konsistojnë në ngritjen e një mekanizmi të posaçëm, për nxjerrjen fituese të një firme në lidhje me proceduren e prokurimit të zhvilluar nga Bashkia Bulqizë.

Aktet deri në këtë fazë të hetimit njoftojnë se të hetuarit i) miratuan kritere për të favorizur një firmë pjesëmarrëse në tender ii) firma pjesëmarrëse në prokurim paraqiste vetëm dokumetacionin, ndërkohë punimet realizoheshin nga i hetuari (A. K.), i cili rezultoi lidhje e afërt e kryetarit të Bashkisë (L. A.)./CNA