web counter
LEXO PA REKLAMA!

SHKARKO APP

App Store
Google Play

E fundit!

x

Lefter Maliqi: Kush po e mbron pengun Hajdari të ish-fatorinos, oligarkut Salillari?

8 Shtator 2023, 16:59, Politikë CNA

Lefter Maliqi: Kush po e mbron pengun Hajdari të ish-fatorinos, oligarkut

Ish-kandidati për kryetar bashkie i opozitës në Kuçovë, Lefter Maliqi ka ka hedhur sërish akuza për kryebashkun socialist të Kuçovës, Kreshnik Hajdari.

Ai ka risjellë në vëmendje një denoncim të emisionit “Stop” për një tender abuziv të varrezave dhe qenve endacakë në Kuçovë.

Maliqi deklaron se ende nuk ka asnjë reagim për abuzimet me tendera të Hajdarit, ndërsa hedh dyshime se ky i fundit po mbrohet nga dikush.

Ai gjithashtu e cilëson kryebashkiakun socialist të Kuçovës, peng të biznesmenit Pëllumb Salillari.

“Skandal!

Kush po e mbron pengun Hajdari të ish-fatorinos, oligarkut Salillari?

Shihni videon në Emisionin “STOP”, në TV KLAN, të tenderit abuziv të qenëve, më keq se Gjici i Kukësit dhe “SPAK”, ende pa pergjigje?!

Sipas emisionit “STOP”, pse nuk po jepet tenderi korruptiv i pastrimit të qytetit?? Përsëri Hajdari i akuzuar. Hajdari i akuzuar për tenderin korruptiv të Sinecit, për rrylin, për rrugën e Frashërit, për rrugën e Gorajt, për ‘asfalt mbi asfalt elektoral’, në Tapi, i përgojuar për imoralitet në zyrë, i dënuar 4 muaj në Greqi, dënim që e ka fshehur dhe është nën hetim në “SPAK”.

Pra Hajdari, 6 herë nën hetim në “SPAK” dhe i dënuar në Greqi dhe me mandat të vjedhur; me 5 seanca në “KAS”, 5 seanca në “Kolegjin Zgjedhor”, së shpejti në Gjykatën Kushtetuese dhe asnjë reagim?!

Lind pyetja, kush fshihet pas Hajdarit?? Kush po e mbron e çfarë interesash korruptivë fshihen??? Të gjitha këto akuza edhe të tjera do të zbardhen. Nuk më ndal dot askush pa e çuar deri në fund këtë betejë dhe pa ndëshkuar këta kriminelë e banditë abuzues të taksave të popullit. Kam bindje 100% se këto prova nuk mund të fshihen e zhduken. Profesioni im i hershëm i mirefilltë, si ish-Drejtues Policie, më bind se pavarësisht mbrojtjes që po i bëjnë, po e fundosin shumë më keq në të ardhmen.

S’ka kthim pas! Ky vend ka parë Ministra, Deputetë, Oligarkë, Kriminelë dhe sot janë në biruce tek 313”, denoncon Maliqi./ CNA

Lefter Maliqi: Kush po e mbron pengun Hajdari të ish-fatorinos, oligarkut





Lajmet e fundit nga