web counter
LEXO PA REKLAMA!

SHKARKO APP

App Store
Google Play

“Basha po kryen detyrat që i ka dhënë Rama”/ Edith Harxhi: Po i shërben shkatërrimit dhe minimit të PD-së

8 Shtator 2023, 09:33, Politikë CNA

“Basha po kryen detyrat që i ka dhënë Rama”/ Edith

Anëtarja e Kryesisë së PD-së, Edith Harxhi, ka komentuar rikthimin e Lulzim Bashës dhe skenarët e këtij të fundit.

Gjatë një interviste Harxhi është shprehur se Basha po i shërben kryeministrit Edi Rama dhe po vijon misionin e tij për shkatërrimin e Partisë Demokratike.

Sipas saj, Basha po e vazhdon këtë mision pasi e ka detyrë nga Rama.

Harxhi theksoi se Rama dhe Basha janë në një bashkëqeverisje dhe në një akord total për të minuar opozitën.

“Basha ka për qëllim të jetë aty siç ka marrë detyrën nga Edi Rama dhe për të vazhduar rolin e tij në shkatërrimin e PD-së.

Janë disa veprime që të bëjnë të mendosh se i shërben dikujt, kryeministrit, që vazhdon të minojë opozitën dhe do të mos ketë opozitë përballë. Nuk shoh që ai po mundohet të joshë dikë.

Ai mendon se mund të joshë grupe të caktuara, të cilat kanë qenë me rithemelimin në krah të PD së vërtetë.

Nuk kërkon të joshë dikën, është për të realizuar misionin e tij me sa fuqi ka. Çfarëdo të bëjë Basha, përballë ka një opozitë reale. Vula dhe sigla do shkojnë te të zotët. Po e kryen më së miri misionin. Janë në një lloj bashkëqeverisje, në një akord total”, tha ajo ndër të tjera./ CNA





Lajmet e fundit nga