LEXO PA REKLAMA!

SHKARKO APP

29 Nëntori/ Politika, homazhe në varrezat e Dëshmorëve

29 Nëntor 2023, 10:12, Aktualitet CNA

29 Nëntori/ Politika, homazhe në varrezat e Dëshmorëve

Kryeministri Edi Rama dhe Presidenti Bajram Begaj, mëngjesin e sotëm kanë zhvilluar homazhe në varrezat e Dëshmorëve, në kuadër të 29 Nëntorit, Çlirimit të Shqipërisë nga pushtuesit fashistë dhe nazistë.

Prezente në ceremoni kanë qenë dhe kryeparlamentarja Lindita Nikolla dhe kryebashkiaku Erion Veliaj.

Sot për Shqipërinë është një tjetër ditë historike e rëndësishme, pasi në 29 nëntor të vitit 1944 vendi u çlirua nga pushtuesit fashistë dhe nazistë.

Prej 7 prillit të vitit 1939 e deri më 29 nëntor të vitit 1944, Shqipëria ishte e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane. Në fund të nëntorit 1944, pas çlirimit të Tiranës, më 17 nëntor dhe pjesës kryesore të Shqipërisë së Veriut, mbetej të çlirohej qyteti i Shkodrës dhe qarku i saj.

Shkodra u çlirua më 29 nëntor të vitit 1944, datë kjo e cila shënon ditën e çlirimit të Shqipërisë. Shqipëria është vendi i parë në Ballkan që u çlirua me forcat e veta, ndërsa të gjitha shtetet e tjera të Ballkanit u çliruan me ndihmën e Armatës së Kuqe./ CNA

Lajmet e fundit nga