web counter
LEXO PA REKLAMA!

SHKARKO APP

App Store
Google Play

E fundit!

x

Propozimi për ndryshimin e ligjit për Komisionet Hetimore/ Felaj: Koha nuk pret, do ta çojmë në Parlament

30 Nëntor 2023, 13:26, Aktualitet CNA
Propozimi për ndryshimin e ligjit për Komisionet Hetimore/ Felaj: Koha
Ermonela Felaj

PS, përmes Ermonela Felajt, ka bërë me dije propozimin për ndryshimin e ligjit për ngritjen e komisioneve.

Gjatë konferencës së saj për shtyp, Felaj theksoi se ngritja e Komisioneve Hetimore nuk është një e drejtë e opozitës, por pakicës parlamentare.

Felja tha se nuk ka kohë për të humbur dhe se propozimi do të shkojë në Parlament bashkë me propozime të tjera.

Ajo nënvizoi se nuk ka parë një tentativë nga ana e opozitës për t'u ulur në një tavolinë dhe për të biseduar në lidhje me këtë çështje.

“Më lejo që të jem e saktë me përgjigjen duke korrigjuar, është njohur e drejta e ngritjes së komisoneve jo si e opozitës, por e pakicës parlamentare. Pra ¼ e anëtarëve të parlamentit kërkojnë të drejtën e ngritjes së komisioneve.

Ligji i vitit 2002 ka qenë ligji që ka detajuar këtë të drejtë të pakicave parlamentare.

Sa i takon idesë apo qasjes për të pasur një produkt konsensual do të ishte më e mira, kam kërkuar që anëtarët e opozitës të mund të përfaqësoheshin dhe të nisnim punën. I kam ndjekur me vëmendje kërkesat, nuk më rezulton të kenë tentuar të ulemi në një tryezë pune.

Koha nuk pret. Ne po vijmë me propozimin tonë që do të shkojë në parlament bashkë me dy propozime të tjera”, tha Felaj./ CNA

 





Lajmet e fundit nga