web counter
LEXO PA REKLAMA!

SHKARKO APP

App Store
Google Play

E fundit!

x

“Nuk kam asnjë përgjegjësi penale”/ Fatmir Mediu pas seancës në GJKKO: Erdha në respekt të drejtësisë

30 Nëntor 2023, 16:25, Aktualitet CNA
“Nuk kam asnjë përgjegjësi penale”/ Fatmir Mediu pas
Fatmir Mediu

Pas 6 orësh në SPAK, ish-ministri i Mbrotjes Fatmir Mediu ka deklaruar se nuk ka asnjë përgjegjësi penale për tragjedinë e "Gërdecit" që ndodhi në mars të 2008. 

Para mediave, ish-ministri u shpreh se sot u paraqit në GJKKO në respekt të gjykatës dhe drejtësisë. Ai nënvizoi se ministri nuk është ushtarak dhe në asnjë moment nuk ka ndikur tek askush për fabrikën e demontimit. 

“Erdha sot këtu në respekt të gjykatës dhe drejtësisë. Nuk kam asnjë pergjëgjësi penale. Çështja e municioneve ishte me interes. Deri në 2010 ne duhet të bënim demontimin e municioneve. Ministri nuk ka ndikuar tek askush se çfarë duhet bërë. Çdo shkresë unë ua kam dërguar strukturave më të larta ushtarake e civile. Ministri i Mbrojtjes nuk është ushtarak. Unë kërkoj në proces të drejtë, nuk dua të paragjykoj, sot jam përpjekur të pyes ata me të cilat kam punuar dhe të di rreth të vërtetës.”, tha Mediu.

71 dëshmitarë mes tyre dhe djali i ish kryeministrit, Shkëlzen Berisha janë pjesë e procesit të dosjes "Gërdeci". 

Me nismë të Zamira Durdës dhe familjarëve të tjerë që humbën të afërmit e tyre në shpërthimin e Gërdecit, SPAK rihapi hetimet për çështjen dhe akuzon Fatmir Mediun për “Shpërdorim detyre” kryer në bashkëpunim dhe "Shpërdorim detyre” në bashkëpunim me subjekt ushtarak-kuadër komandues për shpërthimin në "fabrikën" e demontimit të armëve ku u vranë 26 persona dhe u plagosën qindra të tjerë në 2008./CNA

 





Lajmet e fundit nga