E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Tallavaja e dallkaukëve në 111 vjetorin e Pavarësisë së Shqipërisë

28 Nëntor 2023, 18:01, Satire CNA

Tallavaja e dallkaukëve në 111 vjetorin e Pavarësisë së

Sot, festimet e 111 vjetorit të Pavarësisë, të para në një këndvështrim tjetër, ndoshta pak me satirë, por duke thënë të vërteta na tregojnë Shqipërinë tonë, Shqipërinë e vërtetë e cila ka president Bajromin, që dikush e turkoshak e dallkauk që në delegacionë merr parukiere dhe pastruese. Në krye të ceremonisë, një individ që nuk përfaqëson asgjë as politikisht, as mendërisht, as institucionalisht nuk u ngrit dot kurrë në nivel Presidenti, më shumë duket si roje godine.

Më pas, e dyta vinte Lindita Nikolla, e cila si kryetare parlamenti dhe përfaqësuese e katolikëve në krye të ceremonisë dukej si një ufo aty. Nuk e di as vetë se pse është dhe çfarë rasti ka patur, pavarësisht oshilacioneve dhe ajo që ka ndaj sulltanit tonë, Skënderbeut të madhërishëm të Elisës.

Nga pas vinte dhe Albini, por përpara kishte sulltanin tonë orthodoks të bërë synet, që tani është kthyer në katolik, të madhin Edvin Rama I, nipi i Ismail Qemalit dhe i Skënderbeut.

Në fakt, Ismail i shkretë, po ta dinte që do kishte nip Edi Ramën ndoshta nuk do ta kishte shpallur pavarësinë fare dhe Skënderbeu nuk do të kishte luftuar me pallë në dorë, por kështu shkojnë vitet.

Dhe nga pas vinte Albini që duket si ateist, por ka fe atdheun. Të paktën e kemi burrë të ndershëm.

Në fund, doktor Saliu që përfaqëson Erdoganin e parealizuar.

Një tallava politike në sheshin e Flamurit që qershinë mbi tortë e kishte te gonxhja e vyshkur e demokracisë, lulja e paçelur që kishte shkuar te shtëpia e Isa Bolentinit dhe qaheshe për mëmëdhenë.

Nga ana tjetër, figura më brilante ishte Skënderbeu i tredhur nga intrigat i Erion Veliaj, që i dështoi parada e sotme në bulevardin “Dëshmorët e Kombit”.

Kjo ishte me pak fjalë gjithçka përfaqësonte jo thjesht dhe vetëm elita politike, por ajo që pamë në Vlorë, në Tiranë e deri në Kosovë Ditën e Flamurit.

Nuk është për të qeshur, nuk është as për të qarë, është e dhimbshme pa kufi se ku ka shkuar Shqipëria, çfarë po e përfaqëson 111 vjet pas Pavarësisë dhe çfarë e pret të shkretën, se këtu nuk kemi përfshirë edhe dallkaukët e tjerë që vijnë vërdallë, jo vetëm në kastën politike, por edhe filozofët, të papërjashtueshmit e medias apo shoqërisë civile./ CNA