web counter
LEXO PA REKLAMA!

SHKARKO APP

App Store
Google Play

Baba Carlo, Sahatçiu dhe Top silikoni shtojnë gjobat

11 Qershor 2023, 09:14, Satire CNA

U çudit gruaja e Baba Karlos ngaqë po bëhet java e burri i saj nuk e heq nga fytyra të qeshurën.

-Jam i lumtur, - i thotë ai.

Por nuk ia shpjegon nga i buron ky gëzim i madh.

-Mos ka zënë ndonjë dashnore?! - pyeti ajo veten.

Por e largoi me të qeshur. Ai s’ma del dot mua jo më një tjetre, u qetësua. Duroi, duroi, ama deri sot në mëngjes. Shkoi te dera, e mbylli, çelësin e futi në xhep dhe i tha Baba Karlos:

-Ose ma shpjego lumturinë tënde, ose nuk të hap derën të shkosh në punishten e gjobave!

Baba Karlo, i zënë ngushtë, pohoi:

-Ndiej lumturi ngaqë u dyfishuan rrogat e presidentit, të kryeministrit, ministrave dhe deputetëve. Duhet të bëjmë dhe ne kështu, - foli shpejt e shpejt ai.

-Do ngresh rrogat e punonjësve, mo? Do na falimentosh? - ulëriti e shoqja.

-Do i dyfishoj, s’kam ç’bëj, gjobaxhinjtë që fshihen e ne u japim rroga po bëhen gati për greva e protesta! - tha dhe po qeshte sërish.

-Dhe gëzohesh?

Ai u ul në kolltuk dhe e sqaroi:

-Dje takova Xhemal Sahatçiun, atë mjeshtrin e kurdisjes së çdo gjëje. Ti e di që ai merret me këto punët e dyshimta e fiton para pa lëvizur nga zyra. Jo miell jo krunde, ka në rrjet e disa të tjerë. Janë bashkë me shokët tanë të plehrave.

Ai më tha para një jave, Baba Karlo mos rrimë të qetë, të rritim dhe ne dyfish…

-Rrogat? - u zbeh e shoqja.

-Jo, jo. Të dyfishojmë gjobat, tha Sahatçia. Po ia jep si rekomandim dhe kapterit. Jemi të gjithë bashkë vetëm jo flutura me silicon nuk do, se i trefishoi më përpara.

Gruaja mori në fytyrë ngjyrën e jetës. Sa donte ta pyeste se si do të ndodhte, Baba Karlo i tha:

-Tani kam takim me Xhemal Sahatçinë dhe kapterin.  Sa të vendosim si do i rrisim gjobat të shkruaj unë sms.

-Jo t’i rrisni, t’i dyfishoni e trefishoni, pse ç'ka më shumë se ju ajo gjobaxhia me top.

Veproni njësoj ajo dhe si qeveria për rrogat, dyfishim e trefishim, - porositi ajo, pastaj nxori ççelësin ga xhepi, hapi derën dhe përcolli burrin drejt hajdutërive të ditës.

 

 





Lajmet e fundit nga