LEXO PA REKLAMA!

SHKARKO APP

App Store
Google Play

Baba Karlo sherr me këpucarin dhe berberin

23 Maj 2023, 18:20, Satire Politike CNA
Baba Karlo sherr me këpucarin dhe berberin
Baba Karlo - Foto ilustruese

Baba Karlo ka një javë që bredh dyqan më dyqan. Nuk le derë pa hyrë. Në fytyrë i endet një shqetësim i madh. E shoqja pandeh se ka shkalluar. Bredh dhe ajo murga pas tij e çjerr faqet:

- Ka rrëshqitur nga mendja Baba Karlo. Ka roitur oi, oi.

Kur e pyesin njerëzia se çfarë i ka ndodhur Baba Karlos, ajo nuk flet. Tregon me dorë të shoqin e flet:

- Po ja, nuk le dyqan pa hyrë. Ka një javë që takon çdo shitës të qytetit.

Ca banorë të lagjes e morën seriozisht dhe kur Baba Karlo hyri te Mondi që rregullon këpucët e mëhallës, hynë dhe ata e dëgjuan dialogun:

Baba Karlo: - Nëse të vjen dikush për të ngjitur atletet çfarë i thua në fillim?

Mondi: - Mirëseardhe, i them.

Baba Karlo: - Jo, gabim, shumë gabim. Duhet t’i thuash, Saliu të japë dorëheqjen!

Mondi: - Qenke trap ti. Po ç’punë kam unë me partitë, o?

Baba Karlo: - Nuk ke ti, por kam unë. Se kjo qeveri më mban me para mua dhe doçin tim gjobaxhi. Ndaj duhet patjetër të thuash, Saliu të japë dorëheqjen.

Këtë çast Mondi rrëmbeu një këpucë nr. 46 dhe e qëlloi Baba Karlon m’u në bythë. Vrapoi i ziu, por sa pa hapur rrojtoren e Llaqit pak më tutje hyri brenda. Nuk ndenji shumë, doli vrap, por me shkumë në surrat.

- Hajde, hajde dhe njëherë e jo që do të të rruaj, por do të të bëj dhe synet, ty dhe doçin tënd gjobaxhi - i bërtiste Llaqi me briskun ngrehur.

Kështu vrapon Baba Karlo ka një javë. Të dorëhiqet Berisha, bërtet e bërtet. E shoqja në ankth. Më ka rrëshqitur burri, vajton ajo me oi, oi dhe në darkë me zor e fut në shtëpi.

Baba Karlo vazhdon i lumtur të shëtisë dhe gjobisë me doçin e tij./ CNA.al

19:58 Satire Politike

“Baba Karloja”

“Baba Karlon” fëmijët e njohin nga përralla e Pinokut, e n...

13:39 Satire Politike

Nga Ardi Stefa/ Ish...

Ore vëlla, si je? Më dëgjo me vëmendje. Do zbresësh nga ...

Lajmet e fundit nga