LEXO PA REKLAMA!

SHKARKO APP

Baba Karlo bëhet synet

11 Shkurt 2023, 19:39, Satire Politike CNA

Baba Karlo bëhet synet

U çuditën fqinjët e Baba Karlos kur e panë sot nga dreka me një njollë ngjyrë kafe në ballë.

- Ti je italian apo jo? - e pyeti Kaçi, fqinji.

- Po, italiano vero jam, - u mburr Baba Karlo.

- Mos ke lidhje me Indinë?

- Jo, jo. Nuk kam lidhje.

- Po atëherë ç’e ke këtë njollë mu në mes të ballit?

Baba Karlo heshti. Shkoi te dyqani i Bledit që shet byrekë dhe pasi mori një kartëpecetë, po fshinte njollën.

- Me çfarë e ke bërë? Me bojë antiruxhio që ballin mos të ta gërryejë ndryshku? - e ngacmoi Miri.

Nën këtë breshëri pyetjesh Baba Karlo u dorëzua dhe ia nisi rrëfimit.

Baba Karlo mëson të numërojë lekët e gjobave.

- Siç shkruhet dhe siç e dinë gjithë shqiptarët unë kam marrë plot prona shteti me qira 1 euro në vit. Kam dhe ca koncesione e vjel goxha para prej tyre. Por kur po shoh që populli po vuan më vrau ndërgjegjja. Ndaj doja të falem e të lutem për këtë popull që lodhet e robëtohet që të pasurohem unë. Shkova te një kishë katolike, ngaqë jam katolik, por sa i thashë fratit pse shkova atje, ai nisi të qeshë dhe më tregoi derën.

“Nuk pranojmë pendesa nga hajdutët”, më tha. Atëherë shkova në Kishën Ortodokse, por papu ma preu: “Mos u lodh me lutje se njihesh si grabitës. Dorëzo gjënë e vjedhur, pastaj eja”. Mbeta ngushtë, ndaj trokita në xhami. Hoxha më pyeti, pse kisha shkuar tek ai.

“Të bëhem synet”, i thashë shpejt e shpejt që ai të mos më nxirrte jashtë. Hoxha pranoi dhe pas ca minutash më erdhi një çun me një shishe jodi në dorë. Ngjeu pambukun me të dhe fap filloi të më lyente ballin. “Ej”, i bërtita: “Ç’bën, do bëhem synet?”

“E di, e di”, tha çuni e ma lyente ballin me jod. Pastaj nxori një brisk e gati drejt ballit tim. “Ç’bën more”, ulërita. “Po të bëj synet”, më tha. “Synet në ballë?”, i thashë. Po ku? “Se ti je bërë komplet si ai poshtë”, foli e gati brisku afër kokës sime të madhe. Ika me vrap, shpëtova nga synetllëku, por nuk po e fshij dot jodin.

Fqinjët e Baba Karlos edhe qeshnin, edhe heshtnin. Ky quhet Baba Karlo, apo i ka rënë r-ja? Kështu pyesnin veten. Do t'i ketë rënë patjetër germa “r” derisa ia lyejnë ballin me jod para se ta bëjnë synet, i dhanë karar ata.../ CNA.al

19:58 Satire Politike

“Baba Karloja”

“Baba Karlon” fëmijët e njohin nga përralla e Pinokut, e n...

13:39 Satire Politike

Nga Ardi Stefa/ Ish...

Ore vëlla, si je? Më dëgjo me vëmendje. Do zbresësh nga ...

Lajmet e fundit nga