LEXO PA REKLAMA!

SHKARKO APP

Nga Ardi Stefa/ Ish...

15 Janar 2023, 13:39, Satire Politike CNA

Nga Ardi Stefa/ Ish...

Ore vëlla, si je?

Më dëgjo me vëmendje.

Do zbresësh nga rruga e spitalit. Te gropa, hë ore atje te ish-kinema "Ali Demi". Do ecësh drejt. Do kalosh ish-sheshin para bashkisë. Do kalosh edhe ish-Mapo-n.

Mu te ish-Kapelja ke disa variante. Ose do kthehesh majtas drejt ish-Sheshit të Flamurit. Mos kërko të orientohesh nga ish-Monumenti i Pavarësisë, apo nga ish-Shtylla e Flamurit, se nuk duken. Kupton? Do lësh pas ish-Katër Topat dhe ish-Grevën, ose do mbash djathtas në drejtim të ish-Merkatos; aty ore, ku është ish-Sahati që nuk punon.

Mund të ecësh drejt në ish-Rrugën e Re dhe përpara do gjesh ish-poçerinë ose ish-Fabrikën e tullave.

Por kur je te ish-Merkatoja mund të vazhdosh majtas drejt ish-Gjyqit të Vjetër.

Unë të këshilloj që te ish-Kapelja të ecësh drejt, të kalosh ish-Shtëpinë e Pionierit, ish-Shtëpinë e Oficerëve, ish-Adriatikun...

Vajte? Xham fare. Tani... Jo, jo, mos u ngatërro fare me ish-Agjencinë e udhëtarëve, se nuk ekziston më.

Ec në drejtim të ish-stacionit të trenit, të atij ore, që i duhej Vlorës, që të vente babai të takonte djalin ushtar në Shkodër. Ec drejt dhe kalo ish-parkun...

Pse nuk më beson. Në Vlorë jam. Jam mu te ish-Kulaçi. Aty pra, ku më parë shihej ish-deti dhe ishte ish-porti i Skelës...

Po, ore po.

Po të kthehesh nga ish-deti, në të majtë tënde është ish-turizmi i ish-Skelës...

Ohuuuuu. Më lodhe! Sikur nuk je nga Vlora!...

Pyet ndonjë ish-vlonjat dhe takohemi aty te ish-Tre Racat, apo te ish-Orizi...

Jo, jo. Më mirë te ish-Kombinati, se aty ka ca kafe me raki të mirë.

Hajde shëndet, derman...

Ma mbarove ofertën fare...

Lajmet e fundit nga