E fundit!

12:34 Politikë

Përfundon votimi në asamblenë e PS-së në Vlorë/ Ermal Dredha kryeson garën

Ka përfunduar procesi i votimit në asamblenë e PS në Vlorë...

Lul kryetari nuk na harron

14 Mars 2023, 14:29, Satire Politike CNA

Lulzim Basha

Kryetari i PD-së me vulë na uroi sërish. Nuk harron Lulzim Basha të shfaqet në datat e caktuara, për shembull në Ditën e Verës, 8 Marsin, Shën Valentinin e të tjera si këto.

Luli, i cili thotë se nuk është kryetar i PD-së, por ka dhënë dorëheqjen, vazhdon të na shfaqet gjithmonë duke na gënjyer.

Në mars të 2022-shit tha se dha dorëheqjen, se bëri një hap pas për të mirën e PD-së dhe demokratëve. Nga ana tjetër sot një vit më pas ai na uron ditën e verës nga rrjetet sociale si kryetar i PD-së.

Lul kryetari nuk na harron

Dje CNA.al raportoi se Luli vazhdon ta theksojë se është kryetari i PD-së, edhe pse KZQ i kërkonte një shkresë dhe ky i fundit nuk e firmoste nga inati.

Fakti/ Basha e shkruan publikisht: Unë jam kryetar i PD-së
13 Mars, 11:17

Themi nga inati sepse, gjykata Lulin e njeh si kryetar zyrtar të partisë për shkak të konflikteve dhe procedurave të brendshme.

Luli ka dhënë dorëheqjen, por vetëm me gojë, nuk e firmos me letër që të heqë emrin e tij.

Dhe rri e rri e na e kujton që është kryetar i PD-së e thotë pa ndalim, sepse nuk e heq nga rrjetet sociale se është kryetar i PD-së. Nuk shkon në gjykatë e ta heqë emrin e tij dhe të regjistrohet dikush tjetër, por na uron si kryetar zyrtar i Partisë Demokratike.

Të gjithë e falënderojmë Lulin, kryetarin tonë të madhërishëm. Faleminderit shumë për urimet e tua, edhe pse nuk ke zyrë, edhe pse nuk ke anëtarë, edhe pse nuk ke parti. Ti ke vulë dhe je kryetar i PD-së në "Facebook" apo në "Twitter". Se kë njohin të tjerët kryetar dhe kë votojnë është një gjë tjetër. Ti ke punën tënde ata kanë punën e tyre./ CNA.al