LEXO PA REKLAMA!

SHKARKO APP

E fundit!

x

Basha nis seriozisht fushatën/ Pas sfilitjes nga takimet, “i futet me kokë” byrekut

5 Prill 2023, 22:11, Satire Politike CNA
Basha nis seriozisht fushatën/ Pas sfilitjes nga takimet, “i futet me
Lulzim Basha duke ngrënë byrek

Lulzim Basha, ekselenti i gjumit dhe i matematikës, po bën një fushatë të fuqishme për zgjedhjet e 14 majit.

Pasi përçau PD-në dhe la vendin pa kandidatë për bashkitë dhe këshillat bashkiakë, Basha ka nisur seriozisht fushatën elektorale.

Në daljen e fundit mediatike, Basha u zotua se do të bënte fushatë në të gjithë Shqipërinë dhe këtë të mërkurë e ka mbajtur premtimin.

Pas një sërë takimesh, ai është lodhur dhe ka vendosur të pushojë e të hajë byrekë.

Me siguri e ka nga lodhja dhe angazhimi i tepërt në terren, që duket se e ka sfilitur kryetarin e dorëhequr të PD-së, që në gjykatë na rezulton ende kryetar.

Megjithëse i lodhur, Basha nuk ndalon së ngrëni dhe së foluri njëkohësisht, virtyte këto që vetëm një kryetar i “suksesshëm” dhe “vizionar” mund t’i ketë.

Për "të ngritur peshë zemrat" e demokratëve, herën e fundit Basha u pa teksa bënte pazar në Berlin, e këtë herë e shohim të fokusuar në ngrënien e një byreku.

Presim lëvizjen e radhës të liderit që pretendon se po bën bashkë demokratët e po dërgon drejt “lulëzimit” PD-në./ CNA.al

19:58 Satire Politike

“Baba Karloja”

“Baba Karlon” fëmijët e njohin nga përralla e Pinokut, e n...

13:39 Satire Politike

Nga Ardi Stefa/ Ish...

Ore vëlla, si je? Më dëgjo me vëmendje. Do zbresësh nga ...

Lajmet e fundit nga