LEXO PA REKLAMA!

SHKARKO APP

Nga sekuestrimi i telefonave, te komunikimet me Denajn/ Kërkesat ndaj SPAK-ut për Bollino-n

11 Janar 2024, 14:04, Aktualitet CNA
Nga sekuestrimi i telefonave, te komunikimet me Denajn/ Kërkesat ndaj
Carlo Bollino

CNA zbardh detaje të reja nga kallëzimi i PD-së në SPAK për tokën tek “ish-Reparti i Orëve”, në të cilën sot Carlo Bollino ka ndërtuar godinën për televizionin që ka në pronësi. 

Padia në SPAK nuk është bërë vetëm për Bollino-n, por edhe ndaj kryeministrit Edi Rama, ish-ministres së Financave dhe Ekonomisë, Anila Denaj, Sekretarit të Përgjithshëm të Këshillit të Ministrave, Ëngjëll Agaçi, ish-Sekretarit të Përgjithshëm të Ministrisë së Financave dhe Ekonomisë, Arian Kraja, Ledia Totës, ish-Drejtore e Agjencisë së Zhvillimit të Territorit.

Sipas PD-së, Bollino, zyrtarët e ish-zyrtarët kanë kryer 10 vepra penale. 

PD kërkon që pas depozitimit të padisë, Prokuroria e Posaçme të nisë menjëherë me hetimet për personat e përfshirë në këtë aferë dhe kërkon të pezullohen nga detyrat që mbajnë deri më tani.

"Në këto kushte, do kërkoja, që pas kryerjes së disa veprimeve hetimore paraprake, të kërkohej nga organi i akuzës dhe të vendosej nga Gjykata, masa ndaluese e sigurimit personal 'Pezullimi i ushtrimit të detyrës publike' që ata mbajnë dhe çdo funksioni tjetër të dhënë deri në përfundimin e hetimeve të kësaj çështjeje, parashikuar nga neni 240 i Kodit të Procedurës Penale", thuhet në padi. 

Ndër të tjera, PD kërkon që gjatë periudhës së hetimit të sekuestrohen telefonat e Carlo Bollino-s, dhe të përsonave të përmendur në këtë kallëzim, për të evidentuar lidhjet dhe komunikimet që kanë pasur ndërmjet tyre, apo përmes tyre. 

Nga sekuestrimi i telefonave, te komunikimet me Denajn/ Kërkesat ndaj

 

Po kështu kërkohet edhe marrja e të dhënave dhe komunikimeve prej adresave elektronike të shoqërisë ”MTSC” (në pronësi të Bollino-s), Edi Rama, Anila Denaj, Ledia Tota dhe më pas të çdo adrese elektronike të re në lidhje me të kallëzuarit apo personave të tjerë të përfshirë.

Nga sekuestrimi i telefonave, te komunikimet me Denajn/ Kërkesat ndaj

 

Një kërkesë tjetër nga selia blu është që vendoset sekuestro konservative mbi pasuritë e tundshme dhe të patundshme të subjektit ”MTSC”, pra të Bollino-s./CNA

 


  

Lajmet e fundit nga