LEXO PA REKLAMA!

SHKARKO APP

Tabaku dhe Lul Basha, dy dashuritë e Erion Veliajt

3 Prill 2024, 16:54, Politikë CNA
Tabaku dhe Lul Basha, dy dashuritë e Erion Veliajt
Jorida Tabaku dhe Lulzim Basha

Një zhurmë e madhe, një skandal, një aferë, arrestime, pranga, reagime, por Erion Veliaj më në fund paska dy “dashnorë” politikë.

Erion Veliaj nuk përmendet asnjë ditë, në asnjë rresht, prej gati një jave kur ka ndodhur skandali, nga Jorida Tabaku dhe nga Lulzim Basha. Luli, i cili flet për kullat që i jep lali Saliut, në fakt, mesa duket, janë kulla që lali ia jep Lulit se Luli po rri urtë. Nuk po flet as për drejtorët, as për protestën që bëhet ditën e premte, as të bëjë betejë. Ka heshtur në mbështetje të lalit Erit.

Tabaku dhe Lul Basha, dy dashuritë e Erion Veliajt
Lulzim Basha dhe Jorida Tabaku

Nga ana tjetër, Jorida Tabaku, si gjithmonë flet me heshtjen e saj, mendon se duke mbajtur një rol të tillë do të ketë një të ardhme në PD, po tashmë është një personazh thuajse i diskredituar politikisht. Asnjë fjalë ajo që pretendon se është qytetare e Tiranës, vajzë e Tiranës, e rritur dhe trashëgimtare e një familjeje të madhe, nuk flet për vjedhjet pikërisht në Bashkinë e Tiranës.

Aty ku shpesh ka dashur të kandidojë, por nuk ka shkuar kurrë, e dinte që do të humbiste, sepse e di se sa i vlen lëkura. Jorida Tabaku është personazhi i dytë që nuk flet.

Ka dhe shumë emra të tjerë në listën e njerëzve që mbështesin Lulzim Bashën, por këta të dy janë më domethënësit, sepse të tjerët mund të justifikohen se janë deputetë nga qarqe të ndryshme s’i lidh gjë me Tiranën, megjithëse duhet të ishin në ballë të ligjit dhe korrupsionit. 

Por as Jorida, as Lulzim Basha dhe as "mbetjet servile" të këtij të fundit nuk thonë një fjalë, nuk kanë një përgjigje, nuk kanë një akuzë për Erion Veliajn, kryetarin e bashkisë, i cili është kapur së bashku me drejtorët e tij hajdutë në flagrancë dhe SPAK-u ia ka arrestuar bashkëpunëtorët më të ngushtë.

"Mbetjet servile" të këtij të fundit nuk thonë asnjë fjalë për të mbyllur skandalet që pritet të shpërthejnë sërish në lidhje me bashkëpunëtorët e Erion Veliajt në Bashkinë e Tiranës, vjedhjet, korrupsioni dhe skandalet e tyre./CNA 

 

Lajmet e fundit nga