LEXO PA REKLAMA!

SHKARKO APP

PS bojkoton Komisionin Hetimor/ Ndreca i "përvishet" Vokshit: Nuk ke vendimmarrje

3 Prill 2024, 14:42, Politikë CNA
PS bojkoton Komisionin Hetimor/ Ndreca i "përvishet" Vokshit: Nuk
Plarenc Ndreca

Mesditën e së mërkurës u zhvillua mbledhja e Komisionit Hetimor për Koncesionet në Shëndetësi.

Deputetët e Partisë Socialiste nuk ishin prezentë në mbledhjen që drejtohej nga Albana Vokshi, e cila zgjati vetëm 7 minuta. 

Në lidhje me mbledhjen ka reaguar edhe Plarenc Ndreca, nënkryetari i Komisionit Hetimor, i cili në një postim në rrjetet sociale thekson se kolegët e opozitës janë mbledhur sipas qejft në mosrespektim të rregullave. 

Sipas Ndrecës, çdo vendimmarrje është e komisionit dhe jo kryetares së tij, duke thumbuar kështu Albana Vokshin.

"Trishtim i madh kur sheh kolegët e opozitës që mblidhen sipas qejfit, në mosrespekt të plotë të rregullave bazike të një organi kolegjial. Çdo vendimmarrje është e Komisionit dhe jo e kryetares së tij. Asnjë vendimmarrje apo dakordësi nuk ka nga komisioni për mbledhje sot, pavarësisht se dje e kishim në rend dite, por u refuzua të shqyrtohet nga kryetarja. Njoftimet e njëanshme dhe të pavotuara apo dakordësuara në komision, janë vijim i kulturës së mosnjohjes së procedurave që i ka kthyer në parti 'vulëhumbur', që akoma, sot e kësaj dite, nuk po arrijnë ta gjejnë", shprehet ai./CNA 

Lajmet e fundit nga