LEXO PA REKLAMA!

SHKARKO APP

Socialistët, ping-pong për mandatin e Xhaçkës

2 Prill 2024, 12:03, Politikë CNA
Socialistët, ping-pong për mandatin e Xhaçkës
Ish-ministrja Olta Xhaçka

Kreu i Grupit Parlamentar të PS-së, Bledi Çuçi, u pyet nga mediat në lidhje me mandatin e ish-ministres Olta Xhaçka.

Çuçi pretendon se mazhoranca e ka zbatuar vendimin e Gjykatës Kushtetuese dhe ka dërguar një kërkesë në Këshillin e Mandateve dhe Rregullores.

Ai fajësoi rrëmujën në Kuvend për mosshqyrtimin e çështjes së mandatit të Xhaçkës.

“Nuk është e vërtetë që nuk e kemi zbatuar. Në bazë të vendimit të Gjykatës Kushtetuese është mbledhur Këshilli i Legjislacionit. Aty do të informohemi për vendimin. Ndaj ia kemi dërguar Këshillit të Mandatit të Rregullores. Por Kuvendi ka qenë në flakë dhe tym. Vendimmarrja është e grupit parlamentar. Do të mblidhet Këshilli i Mandatit dhe Rregullores. Këshilli i Legjislacionit që merr vendimin e Kushtetueses, e shqyrton dhe më pas thotë; do t'i kalojë Këshillit të Mandateve. Pra do të mblidhet Këshilli i Mandateve. Vendimet i marrim të gjithë bashkë. Ajo është një çështje që duhet ta marrë Këshilli i Mandateve. Ju këshilloj që ta lexoni mirë atë vendim. S’kemi një vendimmarrje, se nuk jam unë Këshilli i Mandateve. Nuk e mbledh unë Këshillin”, tha ai pas mbledhjes së deputetëve socialistë.

Kujtojmë se edhe kryetarja e Kuvendit, Lindita Nikolla, tha disa ditë më parë se nuk është kompetencë e tyre mandati i Xhaçkës, por e Këshillit të Mandateve./ CNA

Lajmet e fundit nga