LEXO PA REKLAMA!

SHKARKO APP

“5 Drejtorët” punuan për Veliajn, Këlliçi: Është një grup i strukturuar kriminal

1 Prill 2024, 21:10, Politikë CNA

“5 Drejtorët” punuan për Veliajn, Këlliçi:

Anëtari i Kryesisë së Partisë Demokratike, Belind Këlliçi në intervistën e tij televizive, vijoi me denoncimet publike në lidhje me skandalin e dosjes “5 D”.

Këlliçi theksoi se kjo është një skemë e pastër korruptive, e pahasur më parë.

“Çdo gjë në denoncimin tim është e bazuar në dokumente dhe fakte. Në dosje kanë dalë edhe personazhe të rinj, të cilët unë nuk i njoh.

Në datë 27 prill 2023, prokurori ka nisur hetimet kryesisht. Por sërish është lënë jashtë akuza për grupin e strukturuar kriminal. Dhe gjithashtu, është lënë jashtë Erion Veliaj.

Veliaj është një individ, i cili e ka ngritur vetë këtë skemë, për t’u pasuruar më paratë tona.

Por sot, kemi të zbardhur një skemë të pastër korruptive, të pahasur më parë. Ka qenë edhe për mua e pabesueshme. Ka qenë një histori që lidh emrin e kompanisë “5 D” me “5 drejtorët”, që as unë nuk e kam besuar, por ja që është e vërtetë.”/ CNA

Lajmet e fundit nga