LEXO PA REKLAMA!

SHKARKO APP

Berisha: Në hotelin ku është aksioner Veliaj, ortak edhe Rama

31 Mars 2024, 21:20, Politikë CNA
Berisha: Në hotelin ku është aksioner Veliaj, ortak edhe Rama
Kryetari i Partisë Demokratike, Sali Berisha

Kryetari i Partisë Demokratike, Sali Berisha foli për hotelin në Durrës, për të cilin një punonjëse e kompanisë “5D” thonte se kishte aksioner kryebashkiakun e Tiranës, Erion Veliaj.

Berisha pretendoi se në këtë hotel nuk është aksioner vetëm Veliaj, por edhe kryeministri Edi Rama.

Megjithatë, ai theksoi nuk ka fakte për këtë gjë. Këtë deklaratë kreu i PD-së e bëri gjatë fjalimit të tij për protestuesit në rrugën “Mustafa Matohiti”.

“A e patë ju, një i quajtur Redi Molla me një hotel me 5 yje nga më gjigantët në Shqipëri, një njeri që kishte gjithsej në ndërmarrjen e tij veç një punëtor, edhe punëtor edhe menaxher me një rrogë 300 mijë lek.

Hoteli minimumi 15-20 mln euro.

Po si mundet një inxhinjere në regjistrimet e Skapit i thotë shoqes se nuk është i Redit, por është i Erjonit dhe i atij drogmenit, trafikantit Qato.

A e dinë qytetarët e Tiranës se drejtori i ujësjellësit të Tiranës, fiton tenderin për të furnizuar me ujë bashkinë e Tiranës.

Si mund të durojmë me një gjë të tillë; në sulm, në sulm. Nuk durohet kjo kurrë.

Nuk kam fakte, por për hotelin e Durrësit thuhet se është ortak edhe vetë Rama. Nuk kam fakte, por që të ndërtohet një hotel me 5 yje, gjigant, nga një njeri që ka vetëm një punëtor dhe paguan 300 mijë lekë, kjo mbi këtë tokë nuk mund të ndodhë kurrë.

E njëjta gjë, Tivari në Dhërmi një nga hotelet më të mëdha me Agron Malaj, kryetarin e Bashkisë Mat.

Tivari i ka dhënë vëllait të Agronit, tendera nga ujësjellësi i Tiranës, dhjetëra milionë euro. Të gjitha të vjedhura të shkuara në Dhërmi, ndërtim hotelesh”, theksoi Berisha./ CNA

Lajmet e fundit nga