web counter
LEXO PA REKLAMA!

SHKARKO APP

App Store
Google Play

E fundit!

x

Si Veliaj përdori Bardhin për të mbyllur skandalin e drejtorëve të arrestuar nga SPAK-u

31 Mars 2024, 17:18, Politikë CNA
Si Veliaj përdori Bardhin për të mbyllur skandalin e
Fotomontazh - Erion Veliaj dhe Gazment Bardhi

Kryebashkiaku Erion Veliaj ishte në dijeni të arrestimit të drejtorëve të tij sepse SPAK në datën 18 Mars ka çuar dokumentin, pra kërkesën për arrestimin e zyrtarëve të tij dhe gjyqtarja Rudina Palloj i ka mbajtur dokumentet për gati 10 ditë.

CNA ka mundur të sigurojë informacionin se ka patur një betejë tjetër në gjykatë mes zyrtarëve të lartë të Bashkisë, pushtetit politik për të kontrolluar gjykatën, për të kthyer vendimet, për të mos u bërë arrestimet për aferën “5D” që SPAK ka dokumentuar me fakte dhe prova.

Faktet dhe provat janë ditur dhe më përpara, këtë e konfirmon nga sulmi kriminal, mafioz, që iu bë Prokurorit të SPAK-ut, Klodian Braho, më pas kreut të SPAK-ut, Altin Dumani nga Mirel Mërtiri dhe më pas nga ish-zëvendëskryeministri në arrati, Arben Ahmetaj.

Arrestimi i drejtorëve të Erion Veliajt u bë në të njëjtën ditë kur u plas një “skandal i madh” për Olsi Ramën, një lajm i përsëritur nga Gazment Bardhi.

Si Veliaj përdori Bardhin për të mbyllur skandalin e
Gazment Bardhi

Dhe, për ata të cilët nuk kanë informacion mjafton të japim disa të dhëna.

Ne si CNA kemi mundur të sigurojmë nga burime konfidenciale, zyrtare se Gazment Bardhi ka patur takim me njerëz afër Veliaj diku në periferi të Tiranës.

Dikush pretendon se takimi ka qenë midis të dyve, negociatori ka qenë një ndërtues.

Gazment Bardhi, në fakt, më shumë se sa një pazar me Erion Veliajn, e ka pasur një mbledhje materialesh dhe dokumentesh për ta përdorur kundër kryeministrit Rama.

Por, në fund ai është shfrytëzuar nga Veliaj për të mbyllur efektin që do të jepte në publik arrestimi nga SPAK-u i drejtorëve të tij.

Për javë e muaj më radhë, Erion Veliaj është përpjekur t’i tregojë opinionit publik se Bashkia e Tiranës është e paprekshme, se ai ka kontrollin mbi SPAK-un.

Si Veliaj përdori Bardhin për të mbyllur skandalin e
Erion Veliaj

Pas arrestimit të zyrtarëve në qeveri, drejtorëve të Belinda Ballukut, Edi Ramës e kështu me radhë, Erion Veliaj e mbante veten si të paprekshëm.

Pas arrestimit të Taulant Tushës i kthente përgjigje edhe deklaronte në publik dhe nëpër takime se SPAK do të vepronte ndaj rivalëve të tij brenda partisë.

Në fakt, ajo që ndodhi ishte thjesht dhe vetëm një veprim me Gazment Bardhin, duke e përdorur për një betejë mediatike më shumë dhe për të shmangur sa më shumë në opinion publik betejën mediatike dhe raportimin se SPAK ishte i pavarur nga Erion Veliaj, se ky i fundit nuk ka asnjë kontroll, se Edi Rama ishte larg SPAK-ut dhe se akuzat ndaj Berishës nuk ishin ndërtuar nga Prokuroria e Posaçme në mënyrë poetike me urdhër të kryeministrit, por SPAK po e godiste në mënyrë të drejtpërdrejtë pikërisht pas kallëzimeve të bëra nga strukturat e PD-së.

Kjo sepse shumica e hetimeve kanë filluar me denoncimet e bëra nga PD, më pas me kallëzimet e çuara prej saj.

Gazment Bardhi, në vend që të vepronte në mbështetje të SPAK-ut, u përdor si instrument politik, si instrument për të mbuluar skandalin e arrestimit të drejtorëve hajdutë të Erion Veliajt, për të cilët ka dhjetëra fakte e prova që janë të përfshirë në afera korruptive dhe skandale, të cilat janë zbardhur nga Prokuroria e Posaçme me prova dhe fakte të pakontestueshme.

Hetimi ka filluar pikërisht pas denoncimeve të bëra nga Partia Demokratike, kryesisht nga një kallëzim i bërë nga ish-deputeti Belind Këlliçi.

Si Veliaj përdori Bardhin për të mbyllur skandalin e
Ish-deputeti Belind Këlliçi

Në vend që t’i shërbente zbardhjes së vërtetës, Gazment Bardhi i shërbeu informacioneve pas takimeve me njerëzit e Veliajt dhe me një biznesmen ndërtues, duke shpikur skandale të llojit “Babale”, që në fund nuk i shërbyen askujt por thjesht dhe vetëm treguan se opozita vazhdon të jetë e çoroditur dhe më shumë se sa betejë me Edi Ramën po kërkon të luftojë me SPAK-un me drejtësinë, e cila nuk ka çuar vetëm doktorin në ballkon, por çon pas hekurave aferat korruptive dhe skandalet e 10 viteve të fundit të dekadës më korruptive politike të pushtetit në Shqipëri./ CNA





Lajmet e fundit nga