web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Hetimet për Bashkinë e Tiranës dhe drejtorët e Veliajt vazhdojnë

30 Mars 2024, 08:52, Aktualitet CNA
Ekskluzive/ Hetimet për Bashkinë e Tiranës dhe drejtorët e
Erion Veliaj

Dy ditë më parë, më 28 mars, CNA ishte media e parë që raportoi se një operacion i gjerë kishte filluar nga oficerët e BKH-së dhe Forcat Operacionale të Policisë së Shtetit, të cilat kishin filluar arrestimet për llogari të SPAK-ut pas vendimeve të GJKKO-së në lidhje me shumë zyrtarë dhe drejtues të Bashkisë së Tiranës.

Pas Taulant Tushës dhe disa zyrtarëve të arrestuar në muajin dhjetor, të enjten ishte radha e Mariglen Qatos, një nga drejtorët më të rëndësishëm të Erion Veliajt, Redian Mollës, Eglantina Zeres, Enton Punavijën, e kështu me radhë. Një grup drejtorësh, thuajse gjithë struktura komanduese e Bashkisë së Tiranës, e cila përfundonte pas prangave sepse akuzohet për korrupsion, abuzime me detyrën, shkelje të ligjit.

CNA ka mësuar se pas arrestimeve hetimet nuk janë mbyllur, por ato vazhdojnë, ka persona të tjerë nën hetim, ka letërporosi të tjera, dokumente, fakte dhe prova që po mblidhen, në lidhje dhe me personazhe të tjerë, të cilët janë njerëzit që punojnë në krah të kryebashkiakut Erion Veliaj.

Ky i fundit u përpoq që nëpërmjet mediave të tij të krijonte një zhurmë duke thënë se ishin ish-drejtorë dhe dje u shfaq në asamblenë e Tiranës sypatrembur, megjithëse javët e fundit në media është parë i nxirë dhe i fryrë në fytyrë. Kryebashkiaku është në dijeni mjaft mirë të asaj se çfarë ka ndodhur dhe dosja "5D" nuk është thjesht dhe vetëm e para. 

Sipas të dhënave që ka CNA, SPAK-u po thellon hetimet për shumë drejtorë të tjerë në strukturën e Bashkisë së Tiranës, emri dhe individë që po verifikohen, të cilët u arrestuan të gjithë në detyrë, jo ashtu siç tha Veliaj dhe mediat e tij, ish-zyrtarë të bashkisë. Por janë të gjithë të arrestuar në detyrë dhe ky nuk është rasti i parë. 

Veliaj po përpiqet ta kalojë lehtësisht këtë situatë aspak të qetë, por CNA ka mësuar se hetimet vazhdojnë dhe SPAK-u po i thellon ato, jo vetëm me emrat që janë në hetim, ku duhet të përmendim faktin se Taulant Tusha tashmë ka dy akuza, Mariglen Qato ka një akuzë, por po hetohet edhe për çështjen e inceneratorëve dhe dherave dhe situata për drejtorët e Erion Veliajt nuk është aspak e lehtë.

Ashtu sikundër e gënjyen Taulant Tushën me idenë se do të dilte pas disa ditësh, kështu ka filluar gënjeshtra edhe me zyrtarë të tjerë të Bashkisë së Tiranës, të cilët shpresojnë dhe besojnë se shumë shpejt braktisin qelitë, pasi akuzat ndaj tyre nuk ka se si të provohen.

Por, SPAK-u ka mundur të sigurojë komunikime, fakte dhe prova të pakontestueshme në lidhje me aferat korruptive të zyrtarëve të Erion Veliajt./CNA





Lajmet e fundit nga