web counter
LEXO PA REKLAMA!

SHKARKO APP

App Store
Google Play

EMRAT e drejtorëve të Bashkisë Tiranë që u arrestuan dhe u vendos masë nga GJKKO

29 Mars 2024, 07:17, Aktualitet CNA

EMRAT e drejtorëve të Bashkisë Tiranë që u arrestuan

Të enjten, me udhër të Prokurorisë së Posaçme, janë arrestuar disa nga drejtorët e kreut të Bashkisë Tiranë, Erion Veliaj, disa prej tyre kanë drejtuar drejtori të rëndësishme pranë kësaj bashkie. 

Dje, me urdhër të SPAK-ut, u arrestuan Mariglen Qato, ish-drejtor i Shërbimeve Mbështetëse pranë UKT-së Tiranë, Redi Molla, ish-drejtor i Ujësjellës Kanalizimeve Tiranë, si dhe është lëshuar një tjetër urdhër-arresti për Taulant Tushën.

Ky i fundit ndodhet pas hekurave për aferën në inceneratorin e Tiranës, ndërsa urdhër-arresti i fundit vjen në kuadër të dosjes "5D" – 5 Drejtorët.

Ndërkohë, GJKKO-ja ka dhënë masën "detyrim paraqitje" për Eglantina Zeren, ish-drejtoreshë e "Tirana Parking", sot drejtoreshë e Gjelbrimit në Tiranë. Ndaj saj është vendosur edhe një tjetër masë "Pezullimi i ushtrimit të një detyre a shërbimi publik”. 

Masën "detyrim paraqitje" GJKKO e ka dhënë edhe për Enton Punavijën, Drejtor aktual i Trafikut dhe Transportit në kryeqytet, si dhe Debora Keçin, Drejtoreshë e "Klubit të Sportit Tirana", Julian Zanaj, funksionar pranë Prokurimeve Publike dhe Albano Janku, inxhinier pranë kompanisë dhe për biznesmenin Nestor Muhamellari.

Masat e sigurisë janë lëshuar nga gjyqtarja Rudina Palloi.

Ashtu siç CNA ka raportuar më herët, mund të ketë edhe persona të tjerë, zyrtarë dhe ish-zyrtarë, që do të vihen para përgjegjësisë për abuzime me tenderët.

SPAK-u vijon me hetimet dhe verifikimet./CNA

 

 





Lajmet e fundit nga