web counter
LEXO PA REKLAMA!

SHKARKO APP

App Store
Google Play

E fundit!

x

Pas arrestimit të drejtorëve, Erion Veliajt i plas tëmthi

30 Mars 2024, 15:32, Aktualitet CNA

Pas arrestimit të drejtorëve, Erion Veliajt i plas tëmthi

Pas arrestimit të tre drejtorëve të tij, Mariglen Qato, Redjan Molla dhe vendosja e një tjetër mase sigurie për Taulant Tushën, kryebashkiaku Erion Veliaj i është nënshtruar një ndërhyrjeje në tëmth.

Ndërhyrja është kryer në QSUT dhe mësohet se Veliaj është në gjendje të mirë shëndetësore.

Duket se kryebashkiaku nuk po e përjeton dhe aq mirë rënien e drejtorëve dhe zyrtarëve të tjerë të Bashkisë Tiranë në pranga.

Pas arrestimit të drejtorëve, Erion Veliajt i plas tëmthi

Të enjten, pas hetimeve të SPAK-ut, u arrestuan 3 drejtorë të Bashkisë së Tiranës.

Në prangat e policisë ranë Mariglen Qato, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtori i Ujësjellës Kanalizimeve Tiranë.

Ndërkohë u lëshua një tjetër urdhër-arresti për Taulant Tushën, ish-Drejtorin e Përgjithshëm të Drejtorisë së Planifikimit të Punëve Publike.

Më tej, GJKKO dha masën "detyrim paraqitje" për Eglantina Zeren, ish-drejtoreshë e "Tirana Parking", sot drejtoreshë e Gjelbrimit në Tiranë.

Ndaj saj është vendosur edhe një tjetër masë, "Pezullimi i ushtrimit të një detyre a shërbimi publik”.

Masën "detyrim paraqitje" GJKKO ka dhënë edhe për Enton Punavijën, Drejtor aktual i Trafikut dhe Transportit në kryeqytet, si dhe Debora Keçin, Drejtoreshë e "Klubit të Sportit Tirana", Julian Zanaj, funksionar pranë Prokurimeve Publike dhe Albano Janku inxhinier pranë kompanisë dhe për biznesmenin Nestor Muhamellari.

Rikujtojmë se, nga hetimet e SPAK-ut ka rezultuar se Redi Molla dhe Mariglen Qato janë ortakët e vërtetë dhe pronarët “de facto” të shoqërisë “5D Konstruksion” sh.p.k. Molla dhe Qato e kanë zotëruar këtë shoqëri tregtare në mënyrë indirekte, duke përdorur persona të tjerë, shtetasit E.M., M.P. dhe N.M., si ortakë fiktivë në aktet e regjistrimit dhe funksionimit të shoqërisë, me të cilët ortakët e vërtetë të shoqërisë kanë pasur lidhje shoqërore dhe lidhje miqësore.

Sipas SPAK-ut, gjatë periudhës 2016-2020, kur Redi Molla si Drejtori i Përgjithshëm i shoqërisë “Ujësjellës Kanalizime Tiranë”, shoqëria tregtare “Igor Elektrik” e njëjtë me “V.A.S Konstruksion”, njëjtë me “5D Konstruksion” sh.p.k., ka marrë pjesë dhe është shpallur fituese në shkelje të rregullave të prokurimit publik në 7 (shtatë) procedura prokurimi, të realizuara nga autoriteti kontraktor “Ujësjellës Kanalizime Tiranë” sh.a.

Në këto procedura Redi Molla ka pasur cilësinë e titullarit të autoritetit kontraktor, ka urdhëruar kryerjen e prokurimit, ka urdhëruar përbërjen e Njësisë së Prokurimit, ka urdhëruar përbërjen e Komisionit të Vlerësimit të Ofertave (duke caktuar në katër raste si anëtar të këtij komisioni Mariglen Qaton, që është ortaku tjetër indirekt i shoqërisë). Ndërkohë ka nënshkruar kontratat e sipërmarrjes, si dhe ka kryer çdo veprim tjetër që lidhet me cilësinë e titullarit të autoritetit kontraktor, me shoqërinë tregtare në zotërim të tij.

Po kështu, gjatë viteve 2016-2018, kur Mariglen Qato ka ushtruar funksionin e Drejtorit të Departamentit Mbështetës në shoqërinë “Ujësjellës Kanalizime Tiranë” subjekti tregtar i mësipërm ka marrë pjesë dhe ka fituar në kundërshtim me rregullat e prokurimit publik në 4 (katër) procedura prokurimi.

SPAK-u thekson se është provuar edhe me fakte se kompania “V.A.S Konstruksion” sh.p.k. e njëjtë me “5D Konstruksion” sh.p.k., ka marrë pjesë dhe është shpallur fituese në kundërshtim me rregullat e prokurimit publik, në disa procedura prokurimi të organizuara nga autoriteti kontraktor Bashkia Tiranë./ CNA

 





Lajmet e fundit nga