web counter
LEXO PA REKLAMA!

SHKARKO APP

Këlliçi: “5 D” nuk mbyllet me drejtorët, Veliaj do përgjigjet para drejtësisë

28 Mars 2024, 18:47, Politikë CNA

Këlliçi: “5 D” nuk mbyllet me drejtorët, Veliaj do

Drejtuesi i PD-së për Tiranën dhe ish-deputeti, Belind Këlliçi, ka reaguar pas lajmit që CNA raportoi e para për arrestimet në Bashkinë e Tiranës.

Me anë të një statusi në rrjetet sociale, Këlliçi e cilëson bashkinë e Tiranës si tempullin e korrupsionit.

Ai deklaron se dosja “5 D”- “5 Drejtorët” nuk mbyllet vetëm me drejtorët Redjan Molla, Marigeln Qato dhe Taulant Tusha, apo zyrtarët e lënë në detyrim paraqitje.

Drejtuesi i PD-së për Tiranën thekson se kryebashkiaku do përgjigjet para drejtësisë për të gjitha dëmet dhe vjedhjet që ka kryer.

“Arrestime masive aktualisht në tempullin e korrupsionit që quhet Bashkia Tiranë për dosjen 5D… sado të arrestohen drejtorët e Bashkisë, kjo punë nuk mbyllet me ata. Erion Veliaj do përgjigjet para drejtësisë për të gjitha dëmet dhe vjedhjet që i ka shkaktuar kryeqytetit tone”, nënvizon Këlliçi./ CNA





Lajmet e fundit nga