web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: 6 drejtorë të tjerë të Bashkisë Tiranë, bashkëpunëtorë në krim (EMRAT)

29 Mars 2024, 13:57, Politikë CNA
DENONCIMI: 6 drejtorë të tjerë të Bashkisë Tiranë,
Erion Veliaj

Anëtari i Kryesisë së Partisë Demokratike, Belind Këlliçi, në një deklaratë nga selia blu, i bëri thirrje SPAK-ut që të në kallëzimet e tij për dosjen famoze "5D", gjenden emrat e drejtorëve të tjerë famozë të bashkisë, të cilët kanë kryer shkelje ligjore. 

Sipas tij, duhet të hetohen drejtorët Elton Kacidhja, Elvin Tivari, Herion Rrapaj, Ermal Kapllanaj, Arben Maloku dhe Alban Dokushi.

"Të gjithë drejtorët e Bashkisë Tiranë të burgosur deri më tani, si dhe pjesa tjetër që është në pritje të akomodimit në qeli, janë shtabi elektoral i Erion Veliajt në zgjedhjet vendore të 14 majit. Këta individë, pa asnjë përjashtim, janë personat të cilët përmes terrorit, shantazhit, presionit të hapur, blerjes së votave me paratë e korrupsionit bashkiak, kanë tjetërsuar vullnetin e qytetarëve të Tiranës", u shpreh ai. 

Pjesë nga deklarata: 

Në 24 orët e fundit jeni bërë dëshmitarë të një përplasjeje të egër mes dy organizatave kriminale më të mëdha në vend, organizata kriminale e kryeministrisë dhe ajo e Bashkisë Tiranë.

Menjëherë pasi banda mediatike e bashkisë nisi të pomponte lajmin e denoncimit të përfshirjes së Olsi Ramës në laboratorin e kokainës në Xibrakë, Edi Rama u kundërpërgjigj me një rrufe ‘5D’ mbi Bashkinë Tiranë.

Arrestimet dhe masat e sigurisë të dhëna ditën e djeshme për 5 drejtorët e Bashkisë Tiranë, përkatësisht famozi Mariglen Qato, Redjan Molla, Enton Punavija, Eglantina Zere dhe Deborah Keçi, janë maja e ajsbergut dhe një formë e Erion Veliajt për të goditur bashkëpunëtorët në krim dhe për të shpëtuar lëkurën e tij.

I kujtoj SPAK-ut se brenda kallëzimeve të mia për Bashkinë Tiranë gjenden emrat e drejtorëve të tjerë famozë të bashkisë, përkatësisht: Elton Kacidhja, Elvin Tivari, Herion Rrapaj, Ermal Kapllanaj, Arben Maloku dhe Alban Dokushi, drejtori famoz i zhdukjes së pronave publike në bashki, i lidhur ngushtësisht me ndërtuesin po aq famoz të 7 kateve pa leje në mes të Tiranës, Armand Lilon.

Të gjithë drejtorët e Bashkisë Tiranë të burgosur deri më tani si dhe pjesa tjetër që është në pritje të akomodimit në qeli, janë shtabi elektoral i Erion Veliajt në zgjedhjet vendore të 14 majit. Këta individë, pa asnjë përjashtim, janë personat të cilët përmes terrorit, shantazhit, presionit të hapur, blerjes së votave me paratë e korrupsionit bashkiak, kanë tjetërsuar vullnetin e qytetarëve të Tiranës.

Sa i përket arrestimit për herë të dytë të Taulant Tushës, shefi i shtabit elektoral të Erion Veliajt më 14 maj, ndërkohë që është në qeli për çështjen e inceneratorëve, kjo është thjesht metoda e këtij grupi të strukturuar kriminal, për të intimiduar bashkëpunëtorët në krim për të mos folur për aferën korruptive më të madhe në historinë e shtetit shqiptar, atë të inceneratorit të Tiranës./CNA 





Lajmet e fundit nga