web counter
LEXO PA REKLAMA!

SHKARKO APP

App Store
Google Play

Veliaj, si Berisha: SPAK, prokurori me akuza politike

28 Mars 2024, 21:39, Politikë CNA
Veliaj, si Berisha: SPAK, prokurori me akuza politike
Erion Veliaj

Me dirigjim nga Erion Veliaj, në mediat e paguar nga afera e inceneratorëve dhe Bashkia e Tiranës kanë filluar publikimet e qëndrimeve të drejtorëve të arrestuar pas vendimeve nga GJKKO dhe hetimeve të SPAK-ut.

Mediat e Veliajt e kanë ditur edhe çfarë kanë thënë drejtorët përpara prokurorëve sot, kur në fakt ata sot janë ndaluar dhe ende s’janë marrë në pyetje.

Sipas mediave të inceneratorëve dhe Veliajt, ata kanë deklaruar se akuzat janë politike nga PD-ja, PL-ja dhe Ilir Meta apo Belind Këlliçi.

“Une Redi Molla, jam Inxhinier Ndërtimi i diplomuar ne Itali, me një karrierë të gjatë në Itali dhe në Shqipëri. Për 4 vjet kam drejtuar UKT me rezultate të shkëlqyera dhe gjatë gjithë kohës që kam qenë në detyrë kam respektuar ligjet e vendit, dhe kam dhënë maksimumin tim. Sot u vura në dijeni për akuzat e ngritura ndaj meje nga SPAK - deklaroj me bindje të plotë që për këto akuza jam i pafajshëm, dhe nuk kam asnjë lidhje interesash me kompaninë në fjalë.  

Ky sulm ka nisur ndaj meje prej më shumë se një viti, i frymëzuar politikisht nga PD dhe PL, dhe më vjen keq që pjesë e këtij presioni kanë ranë jo vetëm mediat, por dhe Prokuroria. Pres që drejtësia të veprojë shpejt dhe drejtë dhe pafajësia ime të vërtetohet nga gjykata. Do vazhdojë këtë betejë në çdo instancë i bindur tek pafajësia ime”, ka thënë sipas tyre Molla. 

Veliaj, si Berisha: SPAK, prokurori me akuza politike
Redi Molla

Ndërsa Mariglen Qato ka deklaruar: “Unë Mariglen Qato jam i pafajshëm. Nuk kam asnjë lidhje me akuzat dhe nuk kam bërë asnjë veprim të kundërligjshëm. Në ushtrimin tim të detyrës, kam punuar me përkushtim dhe kam zbatuar në mënyrë rigoroze ligjin.

Ndjehem i keqardhur që SPAK ka rënë pre e presionit politik të Ilir Metës dhe Belind Këlliçit, që kanë nisur këtë sulm politik ndaj meje prej muajsh, pa asnjë fakt real. Mbetem besimplotë që ky proces të mbarojë sa më shpejt, drejtësia të bëjë punën e saj dhe e vërteta e pafajësisë time të dalë në dritë". 

Veliaj, si Berisha: SPAK, prokurori me akuza politike
Mariglen Qato

Në fakt, ky duket qëndrim i njëjtë si ai i Sali Berishës, i cili thotë SPAK-u më akuzon me akuza politike të montuara nga Rama.

Veliaj dhe drejtorët e tij pretendojnë se janë akuza të Sali Berishës, Këlliçit dhe Ilir Metës.

Të dy palët duhet ta ndajnë mendjen se po bëjnë lëmsh dynjanë.

I kujt është ky SPAK-u, që sipas Saliut e kontrrollon Edi Rama dhe sipas Veliajt, e kontrollon Saliu? 

Ndajeni mendjen dhe nuk ju shkon, jeni dhe politikanë me eksperiencë.

Veliaj, si Berisha: SPAK, prokurori me akuza politike
SPAK

Kështu thjesht tregoni që SPAK qenka në rregull dhe hajdutët pas prangave s’kanë çfarë të shpresojnë më.

Thjesht Veliaj po i mban me gajret siç mbajtën Lefter Kokën, i cili po vuan vitin e tretë pas hekurave bashkë me Alqi Bllakon, megjithëse i gënjyen se do rrinin pak muaj që po bëhen disa vite.

Edhe drejtorët e Veliajt rrezikojnë akuza mjaft të forta dhe dënime që mund të shkojnë deri në 8 vite.

Taulant Tusha pas urdhër-arrestit të sotëm ka çështjen e dytë në SPAK, ndërsa Mariglen Qato po hetohet përveç dosjes 5D edhe për çështjen e dherave në inceneratorin e Tiranës.

Drejtori i tretë, Redi Molla është i vetmi që nuk është në detyrë. Në fakt në hetim janë dhe dy drejtorë të tjerë E. T. i kallëzuar dhe E. K. i dyshuar për disa çështje në SPAK.

Këtë herë, Berisha dhe Veliaj janë bashkë, mendojnë që të parin e burgosi i dyti dhe ushtarët e të dytit i burgosi i pari./ CNA





Lajmet e fundit nga