web counter
LEXO PA REKLAMA!

SHKARKO APP

App Store
Google Play

E fundit!

x

A e nxori Erion Veliaj dosjen e Olsi Ramës?

29 Mars 2024, 12:23, Politikë CNA
A e nxori Erion Veliaj dosjen e Olsi Ramës?
Erion Veliaj

Dje SPAK-u, pas vendimeve të dhëna nga GJKKO-ja, zbatoi urdhër-arrestet për një grup drejtorësh të Erion Veliajt. Megjithëse mediat pranë tij dhe ato të paguara nga njerëzit e aferës së inceneratorëve u përpoqën t’i shihnin si ish-drejtorë, shumica e tyre ishin drejtorë në detyrë, përjashto Redi Mollën, i cili është larguar në shtator të vitit të shkuar.

Në fakt në momentet kur po arrestohej Redi Molla dhe më pas në shtëpi po i hidheshin prangat edhe Mariglen Qatos, plasi një dosje në media dhe kjo doli nga opozita nëpërmjet Gazment Bardhit, pra një dosje në lidhje me Olsi Ramën dhe me ngjarjen e Xibrakës të gati 9 viteve të shkuara.

Një dosje që u shpall si një lajm i ri, një skandal ri, një aferë droge dhe kështu me radhë, lidhjet e vëllait të kryeministrit, por në fakt ishte një lajm i vjetër, ishte publikuar më parë nga Lulzim Basha, nga Sali Berisha disa herë, Timset, kalimet e kështu me radhë.

E rastësishme, por ndodhi, në të njëjtën ditë që po arrestoheshin drejtorët e Erion Veliajt, në të njëjtën ditë opozita nxjerr dosjen e Olsi Ramës për ta goditur kryeministrin.

Skemë e njohur kjo e vjetër në politikë dhe Erion Veliaj është mjeshtër i të tilla intrigave, që të furnizojë me një zhurmë më të madhe mediat sesa ajo që e ka zënë atë.

Shumicën e tyre i ka nën kontroll, televizionet kryesore, portalet kryesore dhe mediat e mëdha, të cilat na thanë se ishin disa ish-drejtorë apo drejtorë në detyrë.

Nga ana tjetër lajmi që duhet të bëhej më i madh ishte vëllai i kryeministrit i përfshirë në trafik droge. Ky lajm i dytë duhet të mundë të parin dhe kujt i interesonte. Nuk i interesonte opozitës. Sepse opozita e kishte lajm të vjetër, e kishte lajm të ripërdorur, thjesht dhe gjoja një skandal i ri po hapej.

Më shumë se kujtdo tjetër, ky lajm që të mbyste të parin i interesonte pikërisht Erion Veliajt, i cili me një gur po vriste dy zogj.

Së pari, po nxirrte lajmin e vëllait të ish-kryeministrit, një lajm i vjetër që ripërdorej dhe e dyta një zhurmë e madhe do të mbulonte zhurmën e tij, atë të arrestimit të drejtorëve nga SPAK-u.

Kjo e fundit i interesonte ndoshta edhe opozitës, sepse nuk mund të pranojë që SPAK-u nuk kontrollohej nga Rama. Nuk mund të pranohej që Berisha është një i burgosur politik, por një vendim i dhënë nga kryeministri dhe SPAK-u është një ushtare e tij.

Nga ana tjetër, thjesht Veliaj dje nëpërmjet disa deklaratave që shpërndau vetë në media, deklaroi se zyrtarët e tij, drejtorët, ishin arrestuar me urdhër të Berishës, Ilir Metës apo Belind Këlliçit.

A e nxori Erion Veliaj dosjen e Olsi Ramës?
Erion Veliaj dhe Ilir Meta

Pra, në të dyja rastet, Erion Veliaj bashkohet me Sali Berishën dhe anasjelltas i shërbejnë një loje të vetme, një zhurme të madhe që të mbulonte arrestimet e SPAK-ut.

A e nxori Erion Veliaj dosjen e Olsi Ramës?
Erion Veliaj dhe Sali Berisha

Kjo zhurmë i interesonte thjesht dhe vetëm Erion Veliajt dhe Sali Berishës. Dosjen e Olsi Ramës me shumë gjasa e ka servirur dhe dirigjuar dhe Erion Veliaj, duke përdorur Gazment Bardhin dhe segmentet e tij brenda PD-së për t’u bashkuar dhe grushtbashkuar kundër SPAK-ut dhe kështu duke goditur kryeministrin sfumonin dhe arrestimet e drejtorëve të kryebashkiakut Veliaj që është njeriu më i interesuar kundër SPAK-ut, ashtu si Sali Berisha në këto momente. 

Me shumë gjasa dosjen e Olsi Ramës e ka servirur aleanca Veliaj-Berisha./CNA 





Lajmet e fundit nga