web counter
LEXO PA REKLAMA!

SHKARKO APP

App Store
Google Play

E fundit!

x

Kush ia mbylli gojën Jorida Tabakut për arrestimet në Bashkinë e Tiranës

30 Mars 2024, 11:45, Politikë CNA
Kush ia mbylli gojën Jorida Tabakut për arrestimet në
Jorida Tabaku

Pretendon që është qytetare parimore, nuk bën luftëra personale, lufton kundër korrupsionit, por kur arrestohen një tufë drejtorësh të Bashkisë Tiranë, një grup i strukturuar kriminal nën komandën e Erion Veliajt, Jorida Tabaku hesht. 

Jo vetëm ajo, por po përmendim të parën meqenëse pretendon se është tiranase qytetare dhe këtu në fakt e fakton me këtë që CNA i ka dhënë shpesh si kusur asaj, akuzat që i takonin në lidhje me lejet e marra dhe lidhjet me oligarkët.

Pse hesht Jorida Tabaku për drejtorët e arrestuar të Bashkisë së Tiranës? Pse hesht për grupin e strukturuar kriminal në Bashkinë e Tiranës drejtuar nga Erion Veliaj?

Sepse në Tiranë nuk kemi një ministër apo kryeministër, por kemi një kryetar bashkie dhe disa drejtorë. Ndryshe nga ministri dhe kryeministri që janë institucione kushtetuese, firmën te një bashki e hedh kryetari i bashkisë dhe bashkëpunëtorët e tij janë drejtorët, njerëzit që ai zgjedh dhe Erion Veliaj i ka qarkulluar sa në institucion në një tjetër.

Jorida Tabaku nuk flet, por marrim atë si shembull, se nuk duam të merremi me numëratorët e Lulzim Bashës në listën e Qarkut të Tiranës, ku shumica heshtin. Të gjithë kanë kafshuar gjuhën, të gjithë po gëlltiten, kur një grup i strukturuar kriminal në Bashkinë e Tiranës me drejtorë në detyrë është arrestuar dhe të gjithë po mbajnë zi.

A thua se ishin punëtorët e Erion Veliajt, të paguar prej tij, ashtu si drejtorët, të cilët janë njerëzit e qarkulluar nga kryebashkiaku, njerëzit e shtabit elektoral dhe qartësisht individë që po hetohen në vijim, ndaj të cilëve përgjegjësia penale nuk është një shaka, por është e faktuar, e provuar me vjedhje të pasurisë së shqiptarëve, me krijim subjektesh tregtare dhe deri tek investitorët strategjikë./CNA 

 





Lajmet e fundit nga