Nga inceneratori, te varret dhe ujësjellësi/ Korrupsionet që “zhysin” Bashkinë e Tiranës

29 Mars 2024, 21:40, Politikë CNA

Nga inceneratori, te varret dhe ujësjellësi/ Korrupsionet që

Bashkia e Tiranës dhe kryebashkiaku Erion Veliaj

Anëtari i kryesisë së Partisë Demokratike, Grigels Muçollari, ka reaguar për arrestimet e drejtorëve të bashkisë së Tiranës, me urdhër të SPAK-ut.

Për Muçollarin, arrestimet tregojnë se nën drejtimin e kryebashkiakut Erion Veliaj, korrupsioni ka arritur një rekord të pahasur më parë.

Ai renditi korrupsionet e Bashkisë së Tiranës nga ajo e inceneratorëve, te varret dhe ujësjellësi me dosjen 5 D.

Anëtari i Kryesisë së PD-së thekson se vjedhjet janë evidentuar dhe faktuar në çdo front ku hidhen fondet publike, të taksapaguesve të kryeqytetit.

Denoncimi i plotë:

Bashkia e zhytur në paligjshmëri, Veliaj ka humbur të drejtën të qeverisë Tiranën

Arrestimet e fundit në Bashkinë e Tiranës tregojnë se nën drejtimin e Erion Veliajt, korrupsioni ka arritur majën më të lartë, një rekord i pahasur më parë.

Bashkëpunëtorët e tij më të ngushtë, drejtuesit kryesorë të Bashkisë doli se kishin hequr dorë nga marrja e rryshfetit në çdo prokurim, dhe nga lakmia e grykësia, vendosën t'i marrin vetë tenderat, duke krijuar një firmë ndërtimi. Nga 20 përqind në dorë, ata kaluan në marrjen 100 përqind të parave.

Vjedhjet në Bashkinë e Tiranës janë evidentuar e faktuar edhe zyrtarisht tanimë, nga inceneratori, tek varret, rrugët, ujësjellësi, e çdo front ku hidhen fondet publike, të taksapaguesve të kryeqytetit.

Me këtë nivel tronditës hajdutërie, Erion Veliaj do të futet në histori si kryetari i Bashkisë më të korruptuar në vend, e më gjerë. Megjithate, ai sërish hesht. Asnjë reagim, dhe asnjë mbajtje pergjegjesie edhe pse sot ndihmesit e tij kryesorë janë në burg.

Paligjshmeria ku është zhytur Bashkia e Tiranës nuk është një çeshtje e brendshme e PS, apo vetjake e dikujt. Por është shqetesim dhe interes i qytetarëve të Tiranës. Erion Veliaj dhe ekipi i tij e kanë humbur te drejten për të menaxhuar taksat e qytetareve të Tiranes, e kanë humbur besimin për të lene në duart e tyre buxhetin e pushtetin më të madh në vend, pas atij të Kryeministrit.

Marrim për nje moment në konsideratë argumentin që ka tanime rilindja, kur u plasin skandalet. Supozojmë se Erion Veliaj s'ka ditur gje, dhe se atij i pelqen futbolli, e ka pasion frutat e embla. Edhe me këtë alibi mjerane, sërish kryebashkiaku del i paaftë për të ushtruar autoriterin e mbikqyrur punët. Dhe si i tillë, s'ka se si të ujdisë gjithë këtë territor e qindra milionë euro buxhet.

Kjo situatë kerkon zgjidhje, jo shtyrje e perkeqësim. Tirana ka nevojë urgjente për drejtues të ri. Qytetarët duhet ta thonë fjalën e tyre kur shohin se çfarë ben Bashkia me paratë që mblidhen nga xhepat e tyre./ CNA