web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj, pronari faktik

1 Prill 2024, 11:25, Politikë CNA
Erion Veliaj, pronari faktik
Kryetari i Bashkisë së Tiranës, Erion Veliaj

Kryetari i Bashkisë së Tiranës, Erion Veliaj, tashmë i gjetur në vështirësi pas hetimeve të SPAK-ut, të cilat kanë dërguar në pranga të gjithë drejtorët e tij, bashkëpunëtorët e ngushtë, ka mohuar të jetë pronari i një hoteli që po ndërtohet në Durrës nga drejtori i tij, Redi Molla.

Ky i fundit është një njeri, i cili ka shumëfishuar pasurinë duke qenë në poste drejtuese në Bashkinë e Tiranës dhe është fshehur pas kompanisë “5D”, e cila ka fituar miliona euro me tenderë, në bashkëpunim me të tjerë drejtorë të bashkisë, si Mariglen Qato apo Taulant Tusha.

E vërteta e aksioneve të hotelit

Veliaj ka mohuar të jetë pronari i hotelit në Durrës. Patjetër, askush nuk ka dyshime se Erion Veliaj është aq budalla sa të shkojë të regjistrojë një hotel në emër të tij dhe të ketë aksionet e regjistruara në emër të tij.

Pikërisht kjo është e vërteta. Erion Veliaj nuk mund të jetë pronar i një hoteli se me rrogën si kryetar bashkie ende nuk është aq i pamend sa të shkojë dhe të regjistrojë pronësinë e një hoteli.

Por Erion Veliaj ka shokët e tij, bashkëpunëtorët e tij, të cilët regjistrojnë pronat në emër të tyre, por edhe ata diku janë treguar më të kujdesshëm dhe i kanë fshehur në emër të personave të tretë dhe të katërt, me të cilët kanë shpërndarë pasuri, kompani, leje ndërtimi, bujtina, vila dhe deri në apartamente apo pallate.

Erion Veliaj, pronari faktik
Kantieri i ndërtimit të hotelit nga kompania Mediterranean Investment Group në Durrës

Erion Veliaj në fakt nuk është aksioner i hotelit në Durrës, por është pronari faktik i drejtorëve hajdutë të kapur nga SPAK-u.

Po, ai është pronari, sepse ai është kryetari i bashkisë që i ka emëruar dhe i ka bashkëpunëtorët më të ngushtë, i ka pasur flakë e zjarr në fushatë elektorale, njerëzit kryesorë të shtabit të tij, njerëzit që ka qarkulluar nga drejtoria në drejtori, njerëzit që kanë pasur në duar miliona e miliona euro në institucionet në varësi të Bashkisë së Tiranës.

Veliaj, pronari faktik i drejtorëve dhe inceneratorit të Tiranës

Kryetari i Bashkisë së Tiranës, me përgjegjësi ligjore dhe me firmë, është Erion Veliaj, dhe po ai është pronari faktik i drejtorëve, të cilët kanë në pronësi hotele, vila në emër të tyre, në emër të vëllezërve apo familjarëve që kanë hapur kompanitë, pasi ka ardhur PS-ja në pushtet, apo të tjerë që kanë filluar të bëjnë biznese në emër të vëllezërve drejtorë pas viteve që Veliaj ka marrë Bashkinë e Tiranës, duke shpërndarë tenderë, fituar para, e kështu me radhë.

Erion Veliaj, pronari faktik
Bashkia e Tiranës

Erion Veliaj, në fakt, është pronari faktik i drejtorëve që janë aksionerë, që kanë vëllezërit pronarë apo kanë fshehur pasuritë në emër të të tjerëve, ashtu sikundër Erion Veliaj është pronari faktik i inceneratorit të Tiranës që e ka mohuar gjithmonë.

Tashmë këto akuza të bëra publikisht dhe politikisht po na tregojnë gjithmonë e më tepër se Erion Veliaj është pronari faktik i shumë aferave, skandaleve, bëmave dhe gjëmave në kryeqytet, megjithëse përpiqet të fshihet në emrat e disa drejtuesve, të cilët është ai që i ka zbuluar, i ka nxjerrë, i ka mbështetur, i ka komanduar, i ka emëruar, i ka dhënë dhe firmën apo bekimin, kuptohet si pronari faktik i tyre, që të bëjnë zullumet dhe të përfundojnë pas prangave me urdhër të SPAK-ut, me akuza korrupsioni, fshehje pasurie, vjedhje, etj.

Prandaj, ashtu si me rastin e inceneratorit, edhe me dosjen “5D”, çdo akuzë politike e drejtuar deri më tani ndaj Erion Veliajt si pronari faktit ka përballë kryetarin e bashkisë dhe vartësit e tij që urdhërohen prej tij, që janë ushtarët e tij, që janë stafi i tij i ngushtë, të cilët i shërbejnë kryebashkiakut në detyrë, Erion Veliaj, dhe pronarit faktik./ CNA





Lajmet e fundit nga