web counter
LEXO PA REKLAMA!

SHKARKO APP

App Store
Google Play

E fundit!

x

Qendra e re e Inovacionit/ Peleshi: Ushtria shqiptare, pjesë e "network"-ut të NATO-s

3 Prill 2024, 15:54, Politikë CNA
Qendra e re e Inovacionit/ Peleshi: Ushtria shqiptare, pjesë e
Ministri i Mbrojtjes, Niko Peleshi dhe kryeministri Edi Rama

Ministri i Mbrojtjes, Niko Peleshi, në ceremoninë e hapjes së Qendrës së re të Inovacionit, të Sigurisë dhe Mbrojtjes në kuadër të modernizimit të Ushtrisë Shqiptare, u shpreh se tashmë e kemi mundësinë që edhe ne të ecim shpejt në fushën e teknologjisë.

“Jemi pjesë e 'network'-ut të NATO-s, kemi mundësinë të ndërtojmë më shumë fuqi mbrojtëse, me sa më pak burime.

Kjo qytezë do të jetë nisje e shumë 'startup'-eve të sigurisë, mbrojtjes, si edhe mbrojtjes civile. Në mënyrë që të ndërtohen patentat e para shqiptare për rritjen e kapaciteteve kombëtare.

Sot do të nënshkruajmë marrëveshjet me mentorim, si edhe marrëveshjen për bashkëpunim dhe mbështetje ndaj njëri-tjetrit.

Inovacioni do të kthehet në një praktikë të punës së përditshme.”

Gjithashtu, i pranishëm në këtë ceremoni ishte edhe Kryeministri Edi Rama, i cili në fjalën e tij theksoi se teknologjia digjitale është një bekim për një vend si i yni.

“Një vend që vjen nga një prapambetje e thellë, për shkak të distancave të jashtëzakonshme që historia ka vendosur mes nesh dhe kombeve të mëdha e të zhvilluara.

Është një bekim të cilin ne duhet ta marrim si një dhuratë të jashtëzakonshme në këtë pjesë të udhëtimit tonë, dhe duhet të bëjmë hapa me shpejtësi marramendëse.

Inovacioni na jep mundësinë që ne të rreshtohemi në krah të këtyre vendeve”./ CNA





Lajmet e fundit nga