web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët, histori krimi dhe korrupsioni/ Si Rama tenton të “fshihet” nga afera e shekullit

16 Nëntor 2021, 09:38, Politikë CNA

Kryeministri Edi Rama gjatë fjalës së tij dje në Kuvend ka tentuar të marrë në mbrojtje një prej koncesioneve më të akuzuara në vend, nga media dhe nga opozita.

Rama dje nga Foltorja e Kuvendit, mori në mbrojtje koncesionin e inceneratorëve, me pretendimin se po zgjidh çështjen e pastrimit të mjedisit.

?Ju jeni ?kap çtë kapësh?, ndërsa ne jemi ?jep çfarë mund të japësh?. Përfituesit e atyre që përmenda janë qytetarët.

Nëse plehrat mblidhen dhe përpunohen nuk ka ajër të ndotur, nuk ka ujëra të ndotura nuk ka ndotje në rrugë, dhe përfitojnë qytetarët?-tha Rama dje, duke tentuar të justifikojë aferën e inceneratorëve, me pastrimin e mbetjeve.

Por, dardha e ka bishtin prapa

Çështja e inceneratorëve, pastrimit, trajtimit të mbetjeve urbane janë shumë nga çështjet që politika e ditës i diskuton por edhe mediat i kanë denoncuar. Dikush i quan mafia, dikush afera.

CNA.al ka denoncuar një dosje të plotë investigative në lidhje me koncesionin e inceneratorëve në Shqipëri, kompanitë e përfshira, personazhet, e deri tek lidhjet e tyre me median dhe politikën.

 

CNA.al ka denoncuar me dokumente zyrtare koncesionin 22 milion euro për inceneratorin e Elbasanit, një skandal i shumëpërfolur dhe nga opozita. Pa folur për 28 milion eurot e inceneratorit të Fierit, skandalit të djegies së mbetjeve atje, apo edhe faktit që u vonua, nuk u ndërtua dhe më shumë sesa incinerator modern, janë gjetur pajisjet dhe janë mbledhur lloj lloj instrumentash për të krijuar inceneratorë, të cilët duket se nuk i përkasin aspak, jo vetëm standardeve të BE-së, por as po kryejnë detyrën e tyre dhe janë kthyer në një barrë të madhe për institucionet e shtetit shqiptar.

Pa shkuar më tej në Tiranë, për 128 milionë euro kontratë koncesionare për incenerarorë, ku inceneratori nuk ekziston por kemi vetëm landfillin e shfrytëzuar nga një kompani private, të cilës tani iu shtuan edhe milionat e eurove nga mbetjet e Durrësit, e kështu me radhë.

Pra, ajo që thotë kryeministri duket të jetë thjeshtë dhe vetëm propagandë dhe shoë për t?i hedhur hi syve qytetarëve.

Rama thotë se nëse plehrat mblidhen dhe përpunohen nuk ka ajër të ndotur, nuk ka ujëra të ndotura nuk ka ndotje në rrugë, dhe përfitojnë qytetarët.

Në Tiranë nuk ka një incenerator, ka vetëm një landifill që bën kapsulimin e mbetjeve. Pra, një koncesion 128 milionë euro, që bën vetëm kapsulimin e mbetjeve dhe sigurisht që nëntoka nuk i shpëton ndotjes.

Nga ana tjetër nëse flasim për ndotje, duhet të risjellim në vëmendje Fierin, ku edhe pse pretendohet se ka një incenerator, në mes të verës për pesë ditë me radhë gjithë qyteti u mbulua me shtëllunga tymi, nga djegia e mbetjeve.

Ndoshta kjo nuk quhet ndotje për kreun e qeverisë. Por, Rama nuk mundet të justifikojë abuzimin disa dhjetëra milionë euro dhe hallin e tij të madh që e ka zënë me kompanitë e inceneratorëve, me faturat e majme dhe mungesën e ndërtimit, duke bërë batuta e duke bërë politikë me ?aleatin? e tij, Lulzim Bashën.

Kryeministri po përpiqet të justifikojë inceneratorët dhe shumat e parave të mëdha të përdorura, me zhdukjen e maleve me plehra.

Por, në fakt, kryeministri nuk po thotë se kjo faturë është të paktën 178 milionë euro. Pra, me tre kontratat e firmosura në Tiranë, Elbasan dhe Fier. Dhe nuk ka incenerator në funksion.  I vetmi incenerator ekzistues është ai i Elbasanit./CNA.al

Milionat për inceneratorin nuk e shpëtojnë Fierin nga reja ?toksike? e mbetjeve që digjen

Afera korruptive me inceneratorin e Fierit/ Si i gënjeu Rama qytetarët një vit më parë

Skandali/ Inceneratorët e koncesionit 128 milionë euro, reklama mediatike me taksat e shqiptarëve

Skema korruptive e inceneratorëve në Shqipëri/ Kompania koncesionare pranon skandalin

Skandali/ Qeveria 50 milion euro kompanive pa asnjë lek

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë





Lajmet e fundit nga