Irfan Hysenbelliu sulmon Tatimet që të mos paguajë taksat dhe detyrimet

2024-04-04 14:17:00, Aktualitet CNA

Irfan Hysenbelliu

Mjafton të kthesh televizionin te “News 24” apo të shikosh “Balkan Web” dhe e kupton se prej disa kohësh, një nga njerëzit më të sulmuar është kreu i Tatimeve, Ceno Klosi.

Është normale të sulmohen Tatimet, mund të ketë denoncime plot, por kur sulmi bëhet për qëllime të tjera kriminale, pra kjo parimore të gazetarisë, tregon se kemi të bëjmë me diçka tjetër.

Pra, e vërteta nuk është zbardhja apo raportimi i një ngjarjeje, korrupsioni, etj., por dardha e ka bishtin mbrapa.

Kreu i Tatimeve, Ceno Klosi

Nuk sulmohet vetëm Ceno Klosi, por edhe vartësit e tij, drejtorët e borxheve, të IT-së, etj. 0:50 komplet struktura e tatimeve.

Cili është halli i Irfanit?!

CNA shpesh e ka raportuar, Irfan Hysenbelliu figuron të ketë miliona euro borxhe dhe nuk paguan detyrimet në Tatime, nuk paguan sigurimet, nuk paguan taksat, nuk paguan doganë.

Linja editoriale e Irfan Hysenbelliut
3 Shtator, 14:22
Irfan Hysenbelliu, si “vrasës” pa pagesë
29 Gusht, 13:17
Irfan Hysenbelliu, kapteri-biznesmen që s’paguan taksat dhe sulmon institucionet
12 Gusht, 13:56

Në kontrollet që iu bënë rezultoi se ishin miliona euro detyrime, fshehje të ardhurash, deklarimesh, etj. I janë vendosur gjoba, ka procese gjyqësore të hapura dhe Irfan Hysenbelliu vazhdon të luftojë me Tatimet.

Pra, nuk ka një betejë kundër korrupsionit, kundër paaftësisë në Tatime, por ka një luftë kriminale të Irfan Hysenbelliut që të mos paguajë taksat dhe tatimet. Kjo është e qartë.

Pra, gjithçka që shkruan Irfan Hysenbelliu në mediat e tij është një betejë jo kundër një drejtori të paaftë, por është një betejë kundër parimeve të shtetit, është një betejë që të mos paguajë taksat.

Drejtoria e Tatimeve

Një qytetari apo biznesmeni të thjeshtë që i vonon detyrimet në taksa, që nuk paguan TVSH, sigurime shoqërore apo tatime mbi të ardhurat i bllokohen llogaritë bankare, i bllokohen veprimet me shtetin, i vendosen gjoba sipas rregullave.

Ndërsa Irfan Hysenbelliu kërkon që milionat e eurove, të cilat janë sigurime shoqërore për punonjësit, të mos i paguajë.

Irfan Hysenbelliu kërkon të mos paguajë tatim-fitimin, TVSH-në dhe taksat. Megjithëse është biznesmen ndërtues kërkon të bëjë kontrabandë, të shesë birrë dhe të mos e deklarojë ashtu siç edhe e kanë kapur, kërkon të ndërtojë pa leje dhe fajin e kanë tatimet, e ka një drejtor, e ka një zyrtar.

Në fakt, problemi nuk janë drejtori apo zyrtarët, problemi i vërtetë janë biznesmenët e llojit Irfan Hysenbelliu që mbijetojnë prej 30 vjetësh, të cilët misionin e tyre nuk kanë median, por e përdorin këtë të fundit për të shantazhuar e kërcënuar, për të bërë sulme kriminale.

Irfan Hysenbelliu nuk është i vetmi që sulmon Tatimet që të mos paguajë taksat. Kështu ka bërë Irfani dje edhe me paraardhësin e Ceno Klosit, kështu ka bërë edhe dje kur ishte Partia Demokratike në pushtet, duke sulmuar ministra, drejtorë tatimesh, thjesht dhe vetëm se i kërkonin të paguante taksat.

Irfan Hysenbelliu

U ka shkuar edhe në shtëpi me kamera, i shantazhon dhe kërcënon, a thua se është kapoja i një grupi kriminal, jo pronari i një media. Ai sillet si një bandit me sulme ndaj zyrtarëve të shtetit, të cilët i kërkon nën gjunjë, a thua se shqiptarët kanë zgjedhur që shtetin ta menaxhojë Irfani dhe të jemi në haremin e Irfanit dhe jo në një vend normal ku biznesmenët duhet të paguajnë taksat dhe tatimet.

Irfani kërkon të kontrollojë çdo institucion shtetëror, t’i shërbejë atij të fundit dhe të mos paguajë taksat në shtet dhe me to të shtojë pasurinë e tij, duke vjedhur xhepat e qytetarëve, të cilët kërkojnë që shteti të bëhet duke paguar taksat dhe detyrimet që Irfani i ka problem të madh./ CNA