LEXO PA REKLAMA!

SHKARKO APP

PAK nga skandalet e Irfanit në 10 vite

5 Dhjetor 2022, 16:16, Aktualitet CNA
PAK nga skandalet e Irfanit në 10 vite
Irfan Hysenbelliu

Irfan Hysenbelliu foli dje publikisht duke tentuar të shfaqet i moralshëm, parimor, i ndershëm, mediat e tij kishin bërë namin ndaj qeverisë, ai kishte dhënë urdhra, kishte leje, dokumente dhe sulmi ndaj tij ishte i padrejtë.

Hall të madh kishte t’i kërkonte falje Taulant Ballës, apo të tregonte histori me Lulin, Ramën e Liken. Irfani ishte biznesmeni i ndershëm, ai ishte "Hirushja" këta ishin princërit që i qëndronin pranë.

PAK nga skandalet e Irfanit në 10 vite
Irfan Hysenbelliu dhe Taulant Balla

Hirushe apo shtrigë? Më poshtë lexoni disa fakte për Irfan Hysenbelliun, biznesmenin e shtratit të politikanëve, njeriu që “fle” me Metën, zgjohet me Ramën, ëndrrat i ka me Lulin dhe frikërat me Saliun.

Përplasja me Sokol Olldashin

Gazeta “Panorama” dhe mediat e Irfan Hysenbelliut sulmuan ashpër për ditë e javë me radhë ish-ministrin e punëve publike Sokol Olldashi. Parimore? Jo aspak, ministri sulmohej për ndërtimet pa leje nga Irfani. Mediat, morali i Irfanit?

Akuzat ndaj Ridvan Bodes

Ish-ministri i Financave, Ridvan Bode, u shpall armik nga Irfani kur Bode vendosi pullën fiskale në birrë, kjo për shkak të evazionit të madh fiskal, por në atë kohë u vendos edhe një fashë mbrojtëse për prodhimin vendas. Por Irfani ka inat edhe kur nuk i kupton përfitimet si prodhues vendas. Bode u sulmua me breshëri nga mediat e Hysenbelliut deri te tezja e tij 85-vjecare në një fshat në kufijtë e Shqipërisë.

Lëvdohej e mbrohej Luli? Pse? Dhëndri drejtor, leje ndërtimi për pallate

PAK nga skandalet e Irfanit në 10 vite
Lulzim Basha dhe Irfan Hysenbelliu

Sulme dhe akuza Saimir Tahirit

Sulme dhe akuza Saimir Tahirit sapo u bë ministër. Për moral me fakte? Jo. Sulme dhe akuza për bllokimin e prishjes të trafikndarëses 50 metra më poshtë se kryqëzimi i rrugës “Jordan Misja” me Unazën e Tiranës. Konflikt e përplasje por në fund Irfani prishi trafikndarësen dhe vuri semafor te hyrja e pallatit dhe hotelit të tij. Pallati me 8 kate pa leje më as të legalizuara. 100 m më lart ndodhet shkolla 9-vjeçare “7 Marsi” çdo ditë rrezikohet jeta e fëmijëve, nuk ka semafor aty, por te pallati i Irfanit.

Sulme ndaj gjyqtarit Stavri Kallço

Sulmohet gjyqtari Stavri Kallço, për korrupsion apo paaftësi? Jo, sulme me ditë e javë sepse Kallço nuk pranoi të jepte vendim pro Irfanit për marrjen prej tij në mënyrë të padrejtë për gati 20 mijë m2 truall në kufijtë e birra “Korçës”.

Sulme dhe akuza ndaj Majlinda Bregut

Politike, morale, korrupsion? Jo aspak për interesat e atij që e quante Luke, po për Lulzim Bashën që Irfanin e quante Berluskoni shqiptar.

PAK nga skandalet e Irfanit në 10 vite
Irfan Hysenbelliu me kryeministrin Edi Rama dhe eksponentë të PS-së

Akuzat ndaj Ramës si mik apo si armik?

E deklaroi vetë dje Hysenbelliu se e ka pasur mik kryeministrin. Ne 8 vite Irfani ka bërë çfarë i ka dashur qejfi, ka marrë edhe leje zhvillimi që i ka kthyer në ndërtime pa leje. Pse po hëngre e pive me Ramën duhet të bësh pallate e ndërtime pa leje sepse ti hesht për aferat apo skandalet e qeverisë?

Universitet privat në godinë publike

Për një copë bukë Hysenbelliu ka marrë konviktin e Gjuhëve të huaja për universitetin e tij privat. Sulmoi ish-ministrin Ahmetaj, çdo institucion që kishte në dorë firmosjen e kontratës. Universiteti Tiranës s’ka ambiente e zyra, auditore për studentët e saj, por pronën publike e merr Irfani dhe e shfrytëzon si të dojë. Publikja është publike, Irfani mund të ndërtojë godina për universitetin e tij sa të dojë jo të shfrytëzojë publiken. Sulmet, akuzat dhe shpifjet për shumë zyrtarë u bënë thjesht për këtë përfitim.

PAK nga skandalet e Irfanit në 10 vite
Kryebashkiaku i Tiranës, Erion Veliaj dhe Irfan Hysenbelliu

Erion Veliaj miku dhe Rama armiku, pse?

Lali Eri ka lejet e ndërtimit Irfani kërkon gjithmonë ta ketë mirë me kryebashkiakun, pa lejet e ndërtimit Irfani falimenton, shumë nga bizneset e tjera janë me borxhe kredi e humbje. Mjafton të vëzhgosh mediat e Irfanit që transmetojnë edhe kur Lali shkon në tualet dhe sa bukur duket.

Për çfarë ka folur Irfani, për banorët e unazës? Për skandalet korruptive të qeverisë? Cili është rasti? Të thotë dikush cili është skandali i denoncuar nga Irfani dhe mediat e tij?

Po hoqi Ylli Rakipin kur denoncoi inceneratorët dhe unazën. Mori Sokol Ballën kur ja çoi Rilindja. Heshti për aferën e inceneratorëve, ka dhe kontratë për blerjen e heshtjes, është paguar 13.500 euro në muaj.

Morali i Irfan Hysenbelliut

Irfan Hysenbelliu flet për moral në media? Është njësoj si ta kërkosh moralin në një shtëpi publike.

PAK nga skandalet e Irfanit në 10 vite
Kreu i PL-së, Ilir Meta dhe Irfan Hysenbelliu

Sa taksa ka paguar dhe si? Kur janë paguar, sa taksa i janë falur? Këto nuk i thotë fare Fania, as evazionin me birrën, as përfitimet që ka marrë 8 vite nga qeveria e Ramës. Qytetarët paguajnë taksat edhe pse me biznese simbolike Fania do t’i paguajë kur të dojë. Çdo gjë dhe kur i thanë paguaj tatim fitimin u çmend aq shumë sa donte të prishte edhe festën e birrës në Korçë më mendimin se atë ditë shembej Rama si kryeministër, por e shtyu afatin në janar pa përcaktuar vitin.

Të na thonë ku është një akt denoncimi ndaj Edi Ramës deri ditën që tatimet i dërguan një letër dhe Fania vërsuli mediat e tij që i përdor për shantazh e presion ndaj zyrtarëve të shtetit. Një denoncim të vetëm.

Jo vetëm kaq por deklaroi publikisht se kishte dhënë urdhër të mos denoncoheshin ndërtimet pa leje. Urdhër për të fshehur paligjshmëri, krimin urban të çdo ditë./ CNA.al

Lajmet e fundit nga