LEXO PA REKLAMA!

SHKARKO APP

“Porti i Durrësit”/ Pas akuzave të Opozitës, Alabbar dhe stafi telefonata Qeverisë

5 Dhjetor 2022, 14:23, Aktualitet CNA

“Porti i Durrësit”/ Pas akuzave të Opozitës, Alabbar

Biznesmeni Mohamed Alabbar ka reaguar në lidhje me deklaratat e opozitës. Ai ka kërkuar sqarime nga Qeveria.

Ka qenë numri dy i Qeverisë Belinda Balluku, e cila ka thënë se kanë marrë telefonata nga stafi i Alabbar për mënyrën se si janë etiketuar nga deputetët e opozitës.

Në një intervistë për "Euronews Albania", Balluku tha se Qeveria ka sqaruar biznesmenin dhe stafin e tij.

Sipas Ballukut, kompania e Alabbar kanë nisur punën për projektin e Portit të Durrësit.

 “Ka pasur një shqetësim të shprehur prej tij. Në ditët e para kur ndodheshim në fazën e komisioneve, reagimi i deputetëve të opozitës në komision, padyshim e ka shqetësuar kompaninë 'Eagle Hill'. Kemi marrë dhe telefonata nga ana e tyre që shprehnin pakënaqësitë për mënyrën se si janë etiketuar.

Ata po monitorojnë të gjithë ecurinë. Sot si Alabbar dhe pjesëtarë të tjerë të kompanisë janë sqaruar. Janë duke punuar fuqishëm sigurisht duke pritur të gjitha afatet kohore të zbardhjes së vendimit dhe të aprovimit në rast se kjo do të ndodhë”- u shpreh Balluku.

Nga ana tjetër Balluku deklaroi se ka pasur shumë kërkesa nga shqiptarët e diasporës që të jenë pjesë e këtij projekti, pra për të blerë prona.

“Ka pasur një ‘boom’ kërkesash që i vijnë nga shqiptarët e diasporës që kërkojnë të jenë pjesë e këtij projekti për të blerë prona në këtë projekt”, është shprehur në tej Balluku./CNA.al

 

Lajmet e fundit nga