web counter
LEXO PA REKLAMA!

SHKARKO APP

App Store
Google Play

“Birra Korça”, 2.4 miliardë lekë borxh/ Irfan Hysenbelliu, biznesmeni që nuk paguan detyrimet ndaj shtetit

1 Mars 2023, 11:43, Aktualitet CNA
“Birra Korça”, 2.4 miliardë lekë borxh/ Irfan
Foto ilustruese

Irfan Hysenbelliu me kompaninë “Birra Korça”, është “mbytur” në borxhe me institucionet shtetërore.

Sipas të dhënave të siguruara nga CNA.al, kompania “Birra Korça”, me numër NIPT-i, J64103004E, është miliarda lekë borxh në shtet.

“Birra Korça”, 2.4 miliardë lekë borxh/ Irfan

Bëhet fjalë për detyrimet që kanë lidhje me pagesat tatimore, detyrime të papaguara për sigurimet shoqërore apo taksa të tjera të papaguara në shtet.

Të gjitha këto detyrime në total shkojnë në vlerën e 2.4 miliardë lekëve.

Kjo shifër përbën vetëm një një pjesë të detyrimeve të papaguara që Irfan Hysenbelliu ka ndaj shtetit.

Pasi ka edhe shifra të tjera të çmendura borxhesh të papaguara edhe për kompani të tjera.

Kjo është arsyeja që Hysenbelliu përdor mediat e tij dhe sulmon tatimet jo për  çështje apo për parime mediatike dhe gazetarie.

Për më tepër edhe institucionet tatimore janë qartazi të kapura në gabim pasi ende nuk dihet arsyeja se përse është toleruar Irfan Hysenbelliu deri në këtë pikë, që të arrijë deri në këtë nivel borxhesh dhe detyrimesh, përse nuk i janë bllokuar bizneset, llogaritë bankare apo çdo gjë tjetër.

Ashtu siç ndodh me bizneset e tjera në kuadër të zbatimit të ligjit.

Nëse nuk paguan sigurimet shoqërore në një muaj merren masa, ndërsa Hysenbelliu jo vetëm ka miliona euro pa paguar taksat, por edhe sulmon e shantazhon hapur institucionet./CNA.al





Lajmet e fundit nga