Nuk paguan taksat/ Ja pse qan Irfan "kapteri"

28 Mars 2023, 09:44, Aktualitet CNA

Irfan Hysenbelliu me kompaninë “Birra Korça” është “mbytur” në borxhe me institucionet shtetërore, me detyrime në lidhje me pagesat tatimore, detyrime të papaguara për sigurime shoqërore apo dhe taksa të tjera të papaguara.

Irfani është kapur në evazion fiskal nga Tatimet, pasi në kompanitë e tij janë kapur disa mjete me sasi birre më shumë sesa ishin të deklaruara në letra. Pas kësaj gjetje ka nisur edhe kontrolli për kompanitë “Birra Korça” dhe “Birra Tirana”.

Sipas të dhënave të siguruara nga CNA.al, kompania “Birra Korça”, me numër NIPT-i, J64103004E, është miliarda lekë borxh në shtet.

“Birra Korça”, 2.4 miliardë lekë borxh/ Irfan Hysenbelliu, biznesmeni që nuk paguan detyrimet ndaj shtetit
1 Mars, 11:50

Ndërsa me kompaninë “Birra Tirana", me numër NIPT-i, J61821051F, detyrimet e papaguara të Hysenbelliut kapin shifrën e rreth 3.9 miliardë lekëve.

“Birra Tirana" "mbyt” Irfan Hysenbelliun/ Rreth 3.9 miliardë lekë detyrime të papaguara në shtet
2 Mars, 08:38

Në total me dy kompanitë e birrave, Hysenbelliu është borxhli ndaj institucioneve shtetërore në vlerën e 6.3 miliardë lekëve.

Sipas Tatimeve, nëpërmjet mosdeklarimit të të ardhurave përllogaritet që Irfan Hysenbelliu me këtë kompani, t’i ketë shkaktuar shtetit një dëm potencial prej 108 milionë lekësh tatime të shmangura.

Irfan Hysenbelliu nuk paguan taksat/ Kërkon t’i shmangë shtetit miliona euro
12 Mars, 14:54

Edhe pse është njoftuar nga tatimet për 1.7 miliardë detyrime, jo për gjoba por për vetëdeklarimet e tij, ai tashmë po përdor një betejë imagjinare me zëvëndëskryeministren Belinda Balluku.

Irfani sot ka vendosur “në shënjestër” Ballukun, dje kishte Ridvan Boden, pardje Shkëlqim Canin, më tej Ramën, Berishën e me radhë, e ndërkohe shtrihet barkazi në prehërin e Ilir Metës.

Hysenbelliu është biznesmeni që ndërton pa leje, nuk paguan taksa dhe më shumë sesa të justifikohet për bëmat e gjëmat e tij, ai duhet të shkojë të paguajë taksat e detyrimet që ka në shtet.

8.8 mln euro detyrime në shtet me tre kompani/ Irfan Hysenbelliu, biznesmeni-piramidë?
4 Mars, 10:40

Nuk është as faji i ministrave të Financave, as drejtorëve të Tatimeve, e as i armiqve të tij imagjinarë, pasi ai është mësuar të mos paguajë taksa.

Irfani mjafton që të paguajë detyrimet e tij dhe të jetë në rregull me dokumentet, e nuk ka asnjë arsye që të sulmohet nga askush. Kur je në rregull, nuk qurravitesh, ashtu siç Irfani qurravitet në mediat e tij./CNA.al