web counter
LEXO PA REKLAMA!

SHKARKO APP

App Store
Google Play

SPAK-u në luftë me krimin, politika në aleancë

26 Nëntor 2024, 16:37, Editorial CNA
SPAK-u në luftë me krimin, politika në aleancë
Fotomontazh - Altin Dumani, në sfond SPAK-u

SPAK-u ka filluar të jetë në një luftë frontale me krimin e organizuar.

Edhe ata më skeptikët tashmë kanë mbyllur gojën. Janë me qindra persona në kërkim, të tjerë të arrestuar, vrasje dhe ngjarje të rënda kriminale të zbardhura, krime të paimagjinueshme që janë zbuluar.

Dikush ua jep meritat SKY ECC-së dhe Encrochat-it, por të gjithë harrojnë se hetimet janë bërë nga prokurorët e SPAK-ut, janë kryer nga Altin Dumani, nga Vladimir Mara, nga Klodian Braho, nga të tjerë prokurorë të kësaj strukture, të cilët i kanë dalë përballë krimit.

Krimi nuk u ngrit vetë, krimi erdhi nga politika, u bë aleat me të. Erdhi me zgjedhjet e 2013-ës apo në 2005-ën, kjo është totalisht e parëndësishme.

Fakti është që krimi shqiptar është rritur, është forcuar, ka kapur tregjet ndërkombëtare të drogës dhe vazhdon të jetë gjakatar. (Lexo këtu)

Ato biseda të pakta sa njohin publiku dhe mediat në lidhje me grupet kriminale shqiptare, inkriminimin e strukturave të shtetit, njerëz të politikës që dalin te këto, janë shumë emra që përfliten në ato biseda dhe nuk është e thjeshtë siç thotë kryeministri Edi Rama që mund të përmendin edhe emrin tim. (Lexo këtu)

SPAK-u në luftë me krimin, politika në aleancë
Kryeministri Edi Rama

Jo! Sepse lidhjet e krimit shkojnë te zyrat e shtetit, shkojnë te deputetët, te votat, te të zgjedhurit, te bashkitë, te kryetarët, tek institucionet, vëllai i filanit, motra e filanit, kjo është e ditur në Tiranë dhe në të gjithë Shqipërinë. (Lexo këtu)

Grupi kriminal i filan qyteti u bë aleat me PS-në apo me PD-në, kjo bandë është këtu, kjo bandë është atje dhe SPAK-u ka filluar një betejë të fortë dhe ka një betejë të madhe qytetare.

SPAK-u në luftë me krimin, politika në aleancë
SPAK

SPAK-u duhet mbështetur edhe për sukseset e Altin Dumanit, ndoshta edhe duhet kritikuar atje ku e ka tepruar, por lufta ndaj krimit duket të jetë e fortë, duket të jetë e vështirë dhe në këtë rast duhet mbështetje e fuqishme.

Po politika çfarë po bën? Politika është në aleancë me krimin, politika e solli dhe po i bën presion SPAK-ut me komisione si ai i Fatmir Xhafajt, i bën presion duke mos i dhënë zgjatjen e mandatit, i bën presion me nisma të ndryshme ligjore. (Lexo këtu)

SPAK-u në luftë me krimin, politika në aleancë
Kreu i SPAK-ut, Altin Dumani

Në fakt, ajo që duhet të ndodhë sot është që politika duhet të mbështesë pa asnjë rezervë Altin Dumanin, që jorastësisht sot është njeriu më i sulmuar në Shqipëri edhe nga qeveria me intrigat politike të nëndheshme, edhe nga opozita në mënyrë ballore, thjesht dhe vetëm se po lufton krimin, bashkë me kolegët e tij po luftojnë korrupsionin.

Në përgjimet e krimit dhe në aferat korruptive del gjithmonë politika, prandaj dhe këta janë kundër, prandaj dhe politika është duke lëvizur çdo gurë për të penguar SPAK-un dhe Altin Dumanin në misionin e tyre./ CNA





Lajmet e fundit nga