web counter
LEXO PA REKLAMA!

SHKARKO APP

App Store
Google Play

Veliaj, në sulm kundër ministrave të Ramës

21 Nëntor 2024, 14:15, Editorial CNA
Veliaj, në sulm kundër ministrave të Ramës
Edi Rama dhe Erion Veliaj

Nuk është më rastësi, por objektiv i qartë!

Portale me lidhje të qarta dhe që reklamojnë vetëm grupin Veliaj-Xhafaj dhe ndonjë kaçatorr Karavastaje, po seleksionojnë dhe godasin ministra të caktuar brenda qeverisë Rama.

Një grup që përdor portale dhe që për interesa të pastra klienteliste personale, targeton ministrat e Ramës.

Veliaj, në sulm kundër ministrave të Ramës
Erion Veliaj, Fatmir Xhafaj

Fakti që shënjestarët janë pjesë e mazhorancës, kuptohet qartë nga informacioni dhe përmbajtja e të dhënave që përdorin. Sigurisht jo për të luftuar korrupsionin, por për t'u bërë presion ministrave e sigurisht nëpërmjet tyre, Ramës, për thelën që besojnë se u takon.

Prej ditësh portali në shërbim të Veliajt, zgjedh dhe "godet", por pa zbuluar se ku kërkojnë të arrijnë.

Kështu, sa herë goditet ndonjë ministër për ndonjë kontratë nuk sqarohet deri në fund as konflikti e as se çfarë thotë ligji e ku ligji është shkelur. Nuk ka investigim! Ka vetëm sulme me fletërrufe të stilit të gazetës “Zëri i Popullit”!

Veliaj sot p.sh. organizoi një sulm tjetër publik në rrugët e Tiranës, duke përdorur njerëzit e tij për të kërkuar dorëheqjen e një ministreje të Ramës.

Veliaj për t’u shfaqur ka vendosur logon e “MJAFT”.

Veliaj, në sulm kundër ministrave të Ramës
Pamje nga protesta ditën e sotme
Veliaj, në sulm kundër ministrave të Ramës
Pamje nga protesta ditën e sotme

Për Veliajn nuk bën dallim cili ministër goditet. Rëndësi ka që të gjithë të bëhen pis për të treguar se ai nuk është i vetmi.

Portali i lali Erit është i hapur të mirëpresë çdo shkrim të deputetëve që kanë hatërmbetje me ministra.

Boll që t'i shërbejë nevojës që ka Lali për të mos u folur veç për të dhe aferat e  inceneratorit të Tiranës, “5D”, “Ajola H” ose “Vila NAAN”.

Lali Eri mund të ketë të drejtë! Ai mund të mos jetë hajduti i vetëm i rilindjes!

Por Erion Veliaj ka treguar talent të veçantë me skemat që ka ngritur në këmbë, me të cilat ka grabitur çdo qindarkë fondi publik, ka pushtuar çdo treg që duhej të ishte i lirë në territorin e Bashkisë Tiranë deri në tregun e artit dhe fondeve për të, ka financuar bashkëshorten, ka pasuruar të afërm të bashkëshortes dhe favorizuar klientët e vet personalë.

Ndaj, Veliaj i ka shokët të rrallë dhe nuk e konkurron dot çdokush!/ CNA

 





Lajmet e fundit nga