"Vila NAAN" në Bllok është histori e pastër korrupsioni

21 Nëntor 2024, 12:17, Editorial CNA

"Vila NAAN" në Bllok është histori e pastër

Ajola Xoxa, vila "NAAN"

Pas disa investigimesh të kaluara, kemi provuar me dëshmi të drejtpërdrejta përfshirjen e Ajola Xoxës në tregun e artit në qytetin e Tiranës. Tregu i artit është i njohur si treg i pastrimit të shpejtë të produkteve që vijnë nga veprimtari të jashtëligjshme. (LEXO KETU)

Në teoritë e formave të pastrimit të parave, tregu i shitblerjes ose transaksioneve financiare të lidhura me biznesin e artit, është i parapëlqyer nga persona që vishen me rolin e sekserit dhe përdorin veprimtari të lidhura me artin, për të kanalizuar cash-in drejt llogarive bankare.

Ajola Xoxa nuk ka studiuar art!

Deri në ditën që iu desh të vendoste të promovonte art, ishte promovuar fort si star-i i jurisprudencës së re, me pretendimin e pasjes së një diplome Bachelor në Francë dhe të nisjes së një masteri në Bocconi në Itali.

Si mori fund pasioni i zonjës Xoxa për drejtësinë pas marsit të 2017-ës
6 Maj, 13:07

Sot askush nuk është i sigurtë për diplomën e Francës dhe në faqen personale të zonjës Xoxa nuk ka lajme për përfundimin e masterit në Itali. Vështirë të besohet që zonja Xoxa qenka ajo ish-studentja ekselente, por diskrete që nuk i pëlqen të ndajë me publikun fakte personale.

Të gjithë kujtojmë se si familja Veliaj-Xoxa na njoftoi disa muaj përpara lajmit të shtatzënisë së Xoxës, se po kërkonin të ngjiznin një fëmijë! Pasoi ndarja me publikun e lajmit se Ajola na kishte mbetur shtatzënë!

Si mund të ketë harruar Zonja Xoxa të na njoftojë sukseset e karrierës juridike, kur ka njoftuar deri detaje të karrierës që po niste si prind i ardhshëm? Vërtetë zonja Xoxa na kurseu detajet e "përpjekjeve" që po bënte çifti për t'u bërë prindër, por edhe pa ato detaje, gjithkujt mund t'i vinin në ndihmë detaje të eksperiencave personale për "veprimet" e një çifti që po kërkon të ketë një fëmijë. Çifti Veliaj-Xoxa ka ndarë me publikun edhe detaje kaq personale!

Ajola Xoxa

Por si për çudi, Ajola që njofton gjithçka, nuk publikon asnjë të dhënë për arsimimin e vet francez juridik! Studioja juridike e Ajola Xoxës menaxhohej nga Klotilda Bushka. Për çdo hall familja Xoxa të referonte tek Ilda që ishte "shumë e zonja". Ajola nuk konsultonte njeri! Kjo konsulencë vazhdoi gjatë! Pastaj papritur ditën që Erion Veliaj u bë kryetar bashkie, zonja Xoxa zbuloi pasionin për artin kontemporan!

Dhe braktisi pa dhimbje (nëse do të kishte ndier dhimbje do të na e kishte njoftuar patjetër), jurisprudencën dhe u hodh në krahët e artit, pas një kursi intensiv disamujor.

Zonja Xoxa pasionin e vet filloi ta zhvillojë shpejt duke pushtuar të gjithë tregun e promovimit dhe financimeve të artit në qytetin e Tiranës.

Pas skemës "5D" del në dritë edhe skema "AjolaH"?
29 Prill, 21:03

Zonja Xoxa, sot e kësaj dite zhvillon pasionin e vet për artin kontemporan, në një supervilë, në një superzonë të një superqyteti të Shqipërisë. "Vila 33" në Bllok, e përdorur deri në vitin 2005 si rezidencë e diplomatëve të huaj apo përfaqësuesish të Bankës Botërore, shitet.

"Vila 33", rruga "Dëshmorët e 4 Shkurtit", Tiranë, shitet për herë të parë në 31 dhjetor 2005. Pronarët e kohës (motër e vëlla) ishin shtetas shqiptarë me banim në Trieste.

CNA po investigon gjithë transaksionet (përfshirë dhurimet brenda familjes), nga viti 2005 deri në 2024. Ajo që rezulton nga çertifikata aktuale e pronësisë është pronësia e 2 grupeve individësh të lidhur mes tyre me linja gjaku dhe biznesi. (LEXO KETU)

Galeria “NAAN” në Bllok dhe vila pa zot që Ajola Xoxa e përdor pa pagesë
16 Korrik, 19:14

Në linjën e biznesit rezultojnë të paktën 3 biznese ndërtimi. Dhe biznesi i ndërtimit në qytetin e Tiranës lidhet drejtpërdrejt me leje ndërtimi në domein-in institucional të burrit të Ajola Xoxës. Quhet Erion Veliaj!

Në ditët në vijim publiku do të ketë në dispozicion edhe gjithë skemën e personave që rezultojnë pronarë të kuotave të pronësisë te "Vila 33" dhe lidhjet e tyre me një listë biznesesh, objekti i veprimtarisë së të cilave lidhet me fonde publike të Bashkisë Tiranë dhe leje ndërtimi (deri dje), domein i Bashkisë Tiranë.

Është fakt i publikuar edhe më parë se "Vila 33", i është dhënë pa shpërblim galerisë "NAAN" në pronësi të Ajola Xoxës.

2 grupe pronarësh me interesa biznesi me Bashkinë Tiranë i kanë lënë pa pagesë Ajola Xoxës një vilë në fasadën e së cilës lexon "NAAN". Asnjë nga grupet e pronarëve nuk ka ndonjë lidhje me artin! Ndaj duket edhe më i çuditshëm fakti që duke ofruar një supervilë, të kenë hequr dorë nga të paktën 25.000 euro qira në muaj. Kanë bërë edhe më shumë sesa kaq!

Të dhënat nga Agjencia Shtetërore e Kadastrës

I kanë dhënë në përdorim Bashkisë Tiranë gjithë oborrin rrethues që bashkia ta përdorë si parkim me pagesë! CNA.al raportoi dje disa nga përfitimet e 2 prej bizneseve, pronarët e të cilave janë edhe pronarë të "Vilës NAAN". (LEXO KETU)

Pronarët e "Vilës NAAN", që i kanë lënë në përdorim pa pagesë zonjës Veliaj, paguhen nga Bashkia Tiranë për zhvillimin e biznesit të vet.

Tenderi 720 milionë lekë

Tender që ka përfituar kompania "Intersig Vienna Insurance"

Kjo nuk është skemë pasioni për artin kontemporan! Është një skemë e pastër korrupsioni.

Ndaj SPAK-u mund të na e kursejë kohën që na duhet për të sjellë për publikun të gjitha transaksionet e pronësisë mbi "Vilën NAAN", që prej aktit të parë noterial me nr.12016 rep. dhe nr. 2637 kol., të hartuar për shitjen e parë të kuotave të pronësisë, si dhe të gjitha të ardhurat e siguruara nga shfrytëzimi i "Vilës 33", deri ditën që u bë "Vila NAAN"./ CNA