web counter
LEXO PA REKLAMA!

SHKARKO APP

App Store
Google Play

Zbulohen shumat e parave që Ajola Xoxa ka marrë nga qeveria

15 Maj 2024, 12:50, Aktualitet CNA

Prej disa javësh, CNA ka zbuluar një tjetër skemë në hije, skemën "Ajola-H", ku duket qartë lidhja e bashkëshortes së kryebashkiakut Erion Veliaj, Ajola Xoxa, edhe me kompaninë e inceneratorëve, duke përdorur rolin si kuratore.

Ajola Xoxa, e diplomuar për juridik (e dyshimtë kjo) është themeluese e kompanisë "Harabel", e cila ka promovuar vepra arti të financuara nga kompania e inceneratorit të Tiranës.(lexo këtu)

Në dokumentet e publikuara, CNA ndër të tjera ka publikuar një kontratë të lidhur për promovimin e një tjetër artisti kontemporan, Sislej Xhafa, i cili ka përdorur për promovimin e vet “Harabel"-in e Ajolës.

Fondet për kurimin, promovimin dhe instalimin e veprës janë vënë në dispozicion të “Harabel"-it nga as më pak e as më shumë sesa nga "Integrated Energy".

CNA raportoi pak ditë më parë se Ajola Xoxa për "Harabel"-in e saj, i cili ndodhet në rrugën "Ibrahim Rugova" në zonën e ish-Bllokut, nuk paguan as qira dhe asnjë lloj financimi.

Bashkëshortja e kreut të Bashkisë së Tiranës është paguar edhe nga qeveria, konkretisht nga Ministria e Turizmit dhe Mjedisit dhe Ministria e Turizmit, Kulturës, Rinisë dhe Sporteve.

Në të dhënat e "Open Spending Albania", Ministria e Turizmit dhe Mjedisit dhe Ministria e Turizmit, Kulturës, Rinisë dhe Sporteve, i kanë kryer qendrës "Harabel" të Xoxës, për periudhën nga qershor i 2021 deri në dhjetor të 2023, 7 pagesa, me një vlerë totale prej 2,790,000.00 lekësh.

Zbulohen shumat e parave që Ajola Xoxa ka marrë nga qeveria
Pagesat nga ministria e Turizmit

Pagesat:

-Më 15 qershor të 2021,  Ministria e Turizmit, Kulturës, Rinisë dhe Sporteve ka paguar Qendrën "Harabel" për projektin Zabel, ekspozita Ndëkombëtare e Arteve 480,000 lekë.

-Më 7 dhjetor të 2021, Ministria e Turizmit, Kulturës, Rinisë dhe Sporteve ka paguar Qendrën "Harabel" për projektin Zabel, ekspozita Ndëkombëtare e Arteve 320,000 lekë.

-Më 17 qershor të 2022, Ministria e Turizmit, Kulturës, Rinisë dhe Sporteve ka paguar Qendrën "Harabel" për projektin e Digjitalizimit të Artit Bashkëkohor 600,000 lekë.

-Më 16 nëntor të 2022, Ministria e Turizmit dhe Mjedisit ka paguar Qendrën "Harabel" për projektin "Nga antikiteti në Artin Bashëkohor", 350,000 lekë.

-Më 24 janar të 2023 Ministria e Turizmit, Kulturës, Rinisë dhe Sporteve ka paguar Qendrën "Harabel" për projektin e "Digjitalizimit të Artit Bashkëkohor", 400,000 lekë.

-Më 25 maj të 2023, Ministria e Turizmit dhe Mjedisit ka paguar Qendrën "Harabel" si parafinancim projektin "Nga Antikiteti në artin Bashkëkohor 192,000 lekë.

-Më 7 dhjetor të 2023, Ministria e Turizmit dhe Mjedisit ka paguar Qendrën "Harabel" për projektin "Antikiteti, arti në Shqipëri", 448,000 lekë.

Zbulohen shumat e parave që Ajola Xoxa ka marrë nga qeveria
Pagesat nga Ministria e Turizmit dhe Mjedisit

Me këto fatura vërtetohet që Ajola Xoxa ka financime edhe nga qeveria për aktivitete të ndryshme që ka kryer qendra e saj. 

Zbulohen shumat e parave që Ajola Xoxa ka marrë nga qeveria
Pagesat nga Ministria e Turizmit dhe Mjedisit

 

CNA po investigon edhe pagesat që vijnë nga të tretët, pra lidhjet e "Harabelit" me organizata, apo subjekte të tjera.

Jemi duke verifikuar se si funksionojnë skemat që paratë mund t'i jepen një kompanie private, një kompanie eventesh dhe më pas kjo kompania përdor "Harabelin" apo "Harabeli"  është bashkëpunëtor i tyre si përfitues.

Jo vetëm në rastet e fondeve për aktivtetet e kulturës të artit e të tjerë, por edhe rastet e koncerteve, eventeve të ndryshme dhe bashkëpunimit që shkon ndoshta deri te përfitime nga Bashkia e Tiranës apo qeveria që kanë të tretët për shkak të marrëdhënies me "Harabelin" e Ajola Xoxës./CNA





Lajmet e fundit nga