web counter
LEXO PA REKLAMA!

SHKARKO APP

App Store
Google Play

Gjykata rrëzoi kërkesën për riekspertim/ Mediu: Po kërkojnë të më bëjnë "kokë turku"

15 Maj 2024, 12:12, Aktualitet CNA
Gjykata rrëzoi kërkesën për riekspertim/ Mediu: Po
Fatmir Mediu

Në seancën e sotme në GJKKO është rrëzuar kërkesa për riekspertim financiar. 

Avokati i Fatmir Mediut, Ardian Visha, u shpreh pas seancës po rrëzohen të gjitha kërkesat që janë bërë nga pala mbrojtëse. Ai theksoi se deri më tani hetimi është subjektiv. 

"Po rrëzohen të gjitha kërkesat që ne kemi bërë. Çfarë do SPAK-u bën gjykata. Kërkuam aktin e ekspertimit financiar. Hetimi duhet të kryhet në mënyrë objektive. Hetimi është subjektiv. Jemi solidarë me viktimizimin, por nuk duam të na lejohen fjalë fyese dhe sharje nëpër gjykata", u shpreh Visha. 

Ndërsa, ish-ministri i Mbrojtjes tha se po kërkohet që ai të bëhet "kokë turku". Ai theksoi se nuk ka asnjë lidhje me shpërthimin që ndodhi në Gërdec. 

"Nuk është pranuar asnjë akt i ri ekspertimi. Vazhdon një persekutim familjar dhe personal ndaj meje sikur të kem qenë unë në dijeni të gjithçkaje. Unë dhashë dorëheqjen si ministër, ishte një akt moral, por nuk duhet të shfrytëzohet politikisht dhe të gjendet një 'kokë turku'. Ministri nuk ka lidhje me shpërthimin. Për çfarë akuzohet ministri? Ministri akuzohet për shpërdorim detyre. Nuk ka pasur asnjë provë, nuk ka pasur asnjë dëshmitar. Asnjë lloj dëmi ekonomik për shkak të ministrit të Mbrojtjes", tha Mediu./CNA 





Lajmet e fundit nga